Gbasamɔ 19:6 - Takarata pɛ Sɔ Mbombe Mbon

⁶ Nɛ mi zea gɛl dɔka giliwi tuka hio gasa somli, nɛ tuka gasa fuo da kolo. Gɛla tɔa: «Aleluya! Hazu, *Kongawan Sɔ pɛ ɔ, wan-zu mɔ fɛt, tɛ bo nê *kongapora sising.

Gbasamɔ 19:6 Referans Kwoze

Gbasamɔ 14:2

Nɛ mi zea ma gɛl ka guotɛ ha zang ngɔn tɛ. Gɛla tuka hio gasa somli, nɛ tuka gasa fuo da kolo. Nɛ gɛl ka mi zea, yo fin tuka gɛl kunde ka hio wan-mɛl kunde ha mɛla.

Gbasamɔ 19:1

Hapata ɛngi, mi zea gasa gɛl dɔka giliwi ha ngɔn ka tɔa: «Aleluya! Sɔ pɛ ɔ nê *wan-kpasisi ɔ! Lukosomɔ nɛ ngatɛ nê pɛa!

Gbasamɔ 6:1

Nɛ mi zɔka Besami ka kuso bosi gdangi ha nu takarata. Nɛ ha soko tunɔ mɔ ndɔng nar, mi zea gɛl ma ndang ha tɔa ha mi: «Mɛ tɛ!» Gɛl wa dungɔ tuka fuo da kolo.

Gbasamɔ 1:15

Nanga wa ha duo we tuka gbɛbolo ha zang we dɔla. Gɛl wa tuka somli kpii.

Gbasamɔ 21:22

Mi tɛ zɔk ma *gasa twa Sɔ ha zang lea na. Hazu, *Kongawan Sɔ, wan-zu mɔ fɛt, hinɛ Besami, mbwa ha dung nê gasa twa Sɔ mɔ lea.

Gbasamɔ 12:10

Hapata ɛngi, mi zea ma gasa gɛl ndang ha ngɔn ka tɔa: «Sising, ngimɔ ka Sɔ pɛ ɔ bekpasisi nɛ hio wi pɛa hɔa kari. Sising, wɛnɛ tɛ bo nê *kongapora nɛ ngatɛ. Sising, *Mesi pɛa gbasa ziomɔ pɛa. Hazu wan-fundi hio ya ɔ, ka fundi mbwa swe nɛ zɛ ha li Sɔ pɛ ɔ, ɛ pio wɛnɛ gbo ha zang ngɔn.

Gbasamɔ 8:5

Hapata, telenge ɛngɛ kuo we ha bhandi ha sadaka a ha zang kpana ɛngɛ don. Nɛ ka wɛnɛ pio yo ha zu nu kari, tubho da kolo, gisi, nɛ pioli kolo tɛa, nɛ nu yaka nɛngaya.

Gbasamɔ 4:5

Pioli kolo, gisi nɛ tubho da kolo dungɔ ha gboa ha solowan ɛngɛ fin. Hio kan mɔrkɔ zanga bwa dungɔ ha baa we ha lia. Hio kan ndɔng mɔrkɔ zanga bwa, yo nê hio Sɔtɛ mɔrkɔ zanga bwa pɛ Sɔ.

Matthieu 6:13

Lesisi ɔ ha *sɛbhalamɔ na, ma, kpasisi ɔ gbo ha gdangamɔ. [Hazu kongakandɔ, nɛ ziomɔ, nɛ *lɛkɛ-lɛkɛmɔ dung ha kɔ mɛ kpoo. Amen.]›

Gbasamɔ 1:8

*Kongawan Sɔ tɔa: «Mi nê Alfa nɛ Omega, mi ang, mi badung ang, nɛ mi betɛ. Mi nê wan-zu mɔ fɛt.»

Gbasamɔ 19:4

Hapata, hio kotowi bhuze bwa gbala nar nɛ hio tunɔ mɔ nar fɛt, ngbio zigolo lukisi nɛ Sɔ ka dungnu ha solowan. Mbwa tɔa: «Amen! Aleluya!»