Gbasamɔ 13:5 - Takarata pɛ Sɔ Mbombe Mbon

⁵ Ngɔnzu ɛngɛ kpaa ziomɔ mɛ tɔ hio wen suotɛ nɛ hio wen fɛngsi Sɔ. A kpaa ziomɔ mɛ de mɛgi lɛm kilize bhukɔa nar gbala bwa.

Gbasamɔ 13:5 Referans Kwoze

Gbasamɔ 12:6

Nɛ bhoko ɛngɛ yuo mɔ nɛ ha kpɛnu, ha bhandi ka Sɔ babhɔngiri bingiri mɛ day wɛnɛ haki lɛm yala tomay nɛ gɔmmay bwa zu bhukɔa mɔrkɔ zu bhukɔa ndang (1260).

Gbasamɔ 12:14

Ma, bhoko kpaa bhaka bwa tuka pɛ gasa nzio hazu buy ha kpɛnu, ha bhandi ka Sɔ babhɔngiri gde ha wɛnɛ. Haki, wɛnɛ nɛ yɛa ha li gɔk, nɛ a bekpa yɔngamɔ ha zang bɛlɛ tar nɛ ndambu.

2 Tesalonike 2:4

Wan-kafi mbonga ɛngɛ begutɛ hazu sungiri hio mɔ Sɔ nɛ hio mɔ fɛt ka lɛm nɛ lukosomɔ. Nɛ wɛnɛ bele ha *gasa twa Sɔ, a bedungnu ang, nɛ a betɔ nde, wɛnɛ nê sɔ.

Gbasamɔ 13:7

Ngɔnzu ɛngɛ kpaa ziomɔ mɛ bi bulo sungiri nɛ hio wi pɛ Sɔ, nɛ mɛ gan zu mbwa. A kpaa ziomɔ ha zu hio nugala fɛt, kandɔ fɛt, nu le fɛt, nɛ kandɔnu fɛt.

Gbasamɔ 11:7

Ka mbwa karsa kɛa wen nu Sɔ, ma ngɔnzu ndang begbo ha zang fongo nɛ bebi bulo sungiri nɛ mbwa. A began zu mbwa, nɛ a begbɛ mbwa.

2 Tesalonike 2:3

Ka ma wi aosili ɛnɛ ndang na. Hazu, sɔngsi nde, swe ɛngɛ ahɔ, dɔka wi belak wal mɛkara Christ gde, nɛ Wan-kafi *mbonga begbasi tɛ ing. Ma, wɛnɛ bebhondi bin.

2 Tesalonike 2:8

Ha ngimɔ ɛngi Wan-kafi mbonga begbasi tɛ. Nɛ Kongawan Jésus begbɛ wɛnɛ nɛ bubu nu wa, nɛ a beyangili wɛnɛ nɛ yolo lɛkɛ-lɛkɛ gbasa tɛ pɛa.