Gbasamɔ 12:7 - Takarata pɛ Sɔ Mbombe Mbon

⁷ Hapata ɛngi, bulo angara ha zang ngɔn. Michel hinɛ hio *telenge pɛa bio bulo sungiri nɛ ndibha, nɛ ndibha hinɛ hio telenge pɛa bio bulo fin.

Gbasamɔ 12:7 Referans Kwoze

Jude 1:9

Ngase telenge Michel ka dung nê wan-zu hio telenge fɛt, tɛ de mɛgi na. Ha ngimɔ ka wɛnɛ dungɔ ha mɔya hinɛ *Satan hazu wɔl Moïse, Michel tɛ ba da mɛ gɔn kita fɛngsamɔ ha zu Satan na, ma, a tɔa sɔna nde, Kongawan andulsi mɛ.

2 Pierre 2:4

Kpasawen, Sɔ tɛ de kobhe tɛ hio *telenge ndɔng ka bade gdangamɔ sɔngsi, na. Ma, a pio mbwa ha bhandi yɔng nzata. Mbwa dung haki nɛ sanga kɔ ha bhandi ngɛ-ngɛ-ngɛ tutum keri nɛ ngimɔ kita pɛ Sɔ.

Efeze 6:12

Hazu bulo ka ɔ bi, ɔ bi yo sungiri nɛ hio wi mɔ zu nu na. Ma, ɔ bi yo sungiri nɛ hio sɔtɛ gan zu mɔ nɛ hio nga sɔtɛ, sungiri nɛ hio gasa wan mɔ tutum ɛngɛ sising nɛ hio gdanga sɔtɛ.

Gbasamɔ 20:2

Nɛ wɛnɛ baa ndibha, ka dung nê gɔk mɔ koto ngimɔ, ka ɛ sa nde, Gdanga Sɔ mana *Satan, nɛ wɛnɛ sanga ndibha ɛngɛ nɛ gbazɔbhɔ lɛm bɛlɛ tomay ndang.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

2 Tesalonike 1:7

nɛ a beha ɛnɛ ka kpa yeksamɔ sising, ngimɔ ɔmtɛ gbesi hinɛ ɔ. A bede mɛgi ha ngimɔ ka Kongawan Jésus begu nɛ tɛ ha ngɔn mɛ pe nɛ hinɛ hio nga *telenge pɛa.

2 Korente 12:7

Kongawan gdea ma mɔ tuka tɛn ha tɛ mi yu nde, mi betɛ sutɛ hazu hio zengem mɔ ka wɛnɛ gbasa ha mi. Tɛn ɛngɛ dung tuka wan-nɛkasara pɛ *Satan, ka sɔm mi tuka nde, mi asutɛ na.

Gbasamɔ 13:7

Ngɔnzu ɛngɛ kpaa ziomɔ mɛ bi bulo sungiri nɛ hio wi pɛ Sɔ, nɛ mɛ gan zu mbwa. A kpaa ziomɔ ha zu hio nugala fɛt, kandɔ fɛt, nu le fɛt, nɛ kandɔnu fɛt.

Matthieu 16:27

Hazu mi, *Bewei pɛ Wi, betɛ hinɛ hio *telenge pɔm ha zang *lɛkɛ-lɛkɛmɔ pɛ Bafa mi. Nɛ mi bekɛ wi ndang ndang fɛt lɛm nɛ deamɔ pɛ mbwa.

Matthieu 13:41

Mi, Bewei pɛ Wi, betomsi hio telenge pɔm, nɛ mbwa bewesiri mɔ ka dak wi pi ha dea gdangamɔ nɛ hio *wan-de gdangamɔ fɛt gbosisi ha Kongakandɔ pɔm.

Matthieu 26:53

Mi lɛma sa Bafa mi, nɛ wɛnɛ betomsi nɛhasa zugili *telenge pen bhukɔ gbala bwa hazu gbakiri mi. Mɛ ingɔ yo nde?

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Matthieu 24:31

Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Hebro 2:10

Sɔ ka dea mɔ nzan fɛt nɛ ka mɔ nzan fɛt ha wen zu wa, ngoya mɛ lesisi hio dɔka wi ha lɛkɛ-lɛkɛ bhandi pɛa. Hazu ɛngi, yo nɛ wala ha li Sɔ nde, Jésus akpa yimtɛ hazu nde, wɛnɛ atɛ wi ɛngɛ ka lɛma wɛɛ mɛ kpasisi mbwa.

Gbasamɔ 12:8

Ma, ndibha teka ha si bulo. Mɛgi, wɛnɛ hinɛ hio telenge pɛa bo fin nɛ ziomɔ mɛ bhɔn ha zang ngɔn na.