Gbasamɔ 10:11 - Takarata pɛ Sɔ Mbombe Mbon

¹¹ Hapata, ɛ tɔa ha mi fin: «Lɛma nde, mɛ atɔ kuliwen fin. Kuliwena bezɔk dɔka hio kandɔ, hio kandɔnu, hio nu le, nɛ hio *kongapora.»

Gbasamɔ 10:11 Referans Kwoze

Gbasamɔ 17:15

Telenge ɛngɛ tɔa ha mi fin: «Hio nanali ka mɛ zɔka ha bhandi ka bhoko-de wanza ɛngɛ dungɔnu ang, yo nê hio wi ka tɛ nɛ kandɔ fɛt, nugala fɛt, kandɔnu fɛt, nɛ nu le fɛt.

Gbasamɔ 14:6

Hapata, mi zɔka ma mbing telenge ha buyoa nɛyɛa ha liswe. A tɛa ha tɔa dede wen ka bebhɔn kpoo, ha hio wi mɔ zu nu fɛt, ha kandɔnu fɛt, ha nugala fɛt, ha nu le fɛt, nɛ ha kandɔ fɛt.

Gbasamɔ 11:9

Hio wi mɔ kandɔ fɛt, mɔ nugala fɛt, mɔ nu le fɛt, nɛ mɔ kandɔnu fɛt, mbwa begɛri hio wɔl ndɔng ha yala tar nɛ ndambu. Nɛ mbwa bedol mɛ gun mbwa.

Gbasamɔ 5:9

Mbwa ha bea ma mbombe gima nde: «Mɛ nɛ kongaa mɛ ku takarata ɛngɛ nɛ kusi hio gdangi ha nua yunɛ. Hazu ɛ bagbɛ mɛ, nɛ mɛ hɛa hio wi ha Sɔ nɛ tɔktɛ mɛ. Hio wi ndɔng nê mɔ nugala fɛt, mɔ nu le fɛt, mɔ kandɔ fɛt, mɔ kandɔnu fɛt.

Gbasamɔ 10:10

Mi kuo takarata ɛngɛ ha kɔ wa, nɛ mi yɔnga yo gul. Yo yefa ha nu mi lɔkɔ-lɔkɔ tuka nɔ gɔlɔ, ma, ka mi gulo yo kari, yo tɛ bo nɛ pangaa zekeke ha zang mi.

Gbasamɔ 11:1

Hapata, ɛ haa mi ma te sisongo tuka tongolo weki bɔyamɔ. Nɛ ɛ tɔa ha mi: «Mɛ nɛ, nɛ weki bɔya *gasa twa Sɔ, nɛ fin bɔya bhandi ha sadaka. Mɛ tɔl fin hio wi ka lukisi Sɔ ha zanga.

Gbasamɔ 17:10

Ha soko hio kongapora ndɔng, mɔrkɔ teka kari. Ma ndang bhɔna ka. Nɛ ma ndang tɛ hɔ ka na, nɛ ka wɛnɛ hɔa, a bebhɔn ngimɔ tikiring sɔna.

Gbasamɔ 17:12

«Hio zak ndɔng bhukɔ ka mɛ zɔka, yo nê hio kongapora bhukɔ, ka tɛ dung ka ha zu kongakandɔ pɛ mbwa na. Ma, mbwa bekpa ziomɔ mɛ dung kongapora hinɛ ngɔnzu mɔ ngonga ndang.