Philémon 1:24 - Takarata pɛ Sɔ Mbombe Mbon

²⁴ Hio sɔy-tom pɔm, Marc, Aristarke, Demas nɛ Luc fana mɛ fin.

Philémon 1:24 Referans Kwoze

Kolose 4:14

Luc, wan-de yina zɛlɛ, ka ɔ ngoya pentɛ, wɛnɛ hinɛ Demas fana ɛnɛ.

Kolose 4:10

Aristarke ka dung hinɛ mi hakɛ ha twa zɔbhɔ fana ɛnɛ. Marc, beyang mɛ Barnabas, fana ɛnɛ fin. Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ, tuka mi tɔa wena ha ɛnɛ kari.

Deamɔ 19:29

Mɛgi, zang le ɛngi fɛt bhunzoko. Hio wi fɛt sɔawi ha gasa bhandi de saka. Ha liwal mbwa baa hio sɔy-yali pɛ Paul bwa, Gaius nɛ Aristarke, hio wi mɛ Masedoane, nɛnɛ haki.

Deamɔ 12:12

Hapata, ka wɛnɛ baa zu tikiring, a nɛa ha twa pɛ Marie nana mɛ Jean, ka ɛ sa fin nde, Marc. Haki hio wi wesara may nɛdɔka ha gɔa Sɔ.

Deamɔ 27:2

Ɔ lea ma kuga, ka guotɛ ha le Adramite hazu nɛ ha hio nukolo mɔ kandɔnu Azi nɛnɛ. Aristarke, wi mɔ le Tesalonike ha kandɔnu Masedoane pena hinɛ ɔ.

Deamɔ 12:25

Ka Barnabas hinɛ Saul karsa tom pɛ mbwa ha Jérusalem, mbwa kuo Jean, ka ɛ sa fin nde Marc, sinɛ hinɛ mbwa.

3 Jean 1:8

Lɛma nde, ɔ, hio wi pɛ Christ, agbakiri tili wi ndɔng tuka nde, ɔ ade sɔy hinɛ mbwa ha zang tom ka mbwa de hazu tɛwen.

Filipe 4:3

Pɛ mɛ, kpasa sɔy-tom pɔm, mi ani mɛ nde, mɛ agbakiri hio bhoko ndɔng bwa mɛ ze nu may. Hazu ɔ hinɛ mbwa, ɔ dea tom bulo *Dede Wen nɛdɔka pentɛ, tɛ ba nɛ Klement nɛ hio olo sɔy-tom pɔm, ka Sɔ ngɛraka ling mbwa fɛt ha zang Takarata Tunɔ.

Filipe 2:25

Mi zɔka yo nɛ dedea nde, mi akifiri ya mi, Epafrodite ha ɛnɛ. Ɛnɛ batomsi wɛnɛ ha mi nɛ mɔ-kɔ ɛnɛ ha ngimɔ ka mɔ kɔpa mi. Wɛnɛ tɛ bo nê sɔy-tom nɛ sɔy-bibulo pɔm.

2 Korente 8:23

Pɛ Tite, ɛnɛ ingɔ fɛt nde, wɛnɛ nê sɔy-tom pɔm ka de tom hinɛ mi hazu gbakiri nɛ ɛnɛ. Pɛ hio ya ndɔng bwa ka nɛ hinɛ wɛnɛ, yo nê giliwi mɔ hio eglize ha tomsi mbwa. Deamɔ pɛ mbwa fɛt ha haa lukosomɔ ha Christ.

Deamɔ 13:13

Paul hinɛ hio sɔy-yali pɛa lea kuga ha Pafos hazu nɛ ha Perze ha kandɔnu Panfili. Ka mbwa hɔa haki, Jean Marc laka mbwa gde, a kiforo si ha Jérusalem.

1 Pierre 5:13

*Giliwi mɔ eglize hakɛ ha Babilone, ka Sɔ weka mbwa tuka ɛnɛ, mbwa fana ɛnɛ. Marc ka dung tuka kpasa bem pɔm, a fana ɛnɛ fin.