Philémon 1:19 - Takarata pɛ Sɔ Mbombe Mbon

¹⁹ Mi, Paul, mi ngɛriki wen mɛgɛ nɛ tɛ kɔ mi nde, mi bekpe yo fɛt ha mɛ. Ma, mi nê bafa mɛ ha wal mɔ Sɔ. Mɛgi, bo nê tunɔ pɛ mɛ fɛt dung tuka yamando pɔm ha kɔ mɛ, na nde?

Philémon 1:19 Referans Kwoze

Galasi 6:11

Hio ngbengele-ngbengele nanga takarata ndɔng, ka ɛnɛ zɔk sising, osi nde, mi ngɛriki yo nɛ tɛ kɔ mi.

Galasi 5:2

Ɛnɛ ze nɛdedea. Mi, Paul, mi tɔ ha ɛnɛ long nde, ka ɛnɛ gɔn sɔru ɛnɛ, ki tom ka Christ dea hazu ɛnɛ, yo lɛm mɛ gbakiri ɛnɛ ndang na.

1 Korente 4:15

Hazu, ngase ka hio dɔka wi hebhe ha daya ɛnɛ ha wal mɔ Christ, bafa ɛnɛ ka nê ndang sɔna. Yo nê mi ka bhɛa ɛnɛ ha wal mɔ Jésus-Christ nɛ wal bulo *Dede Wen ha ɛnɛ.

Tite 1:4

Mi ngɛriki takarata ɛngɛ ha mɛ Tite, ka tɛa ngbak bem pɔm nɛ wal Jésus-Christ ka ɔ hinɛ mɛ mɛkara gbesi. Sɔ, Bafa ɔ, nɛ Jésus-Christ, Wan-kpasisi ɔ, mbwa ade *dede sila ha tɛ mɛ, nɛ mbwa aha gaamɔ ha mɛ.

1 Timothée 1:2

Mi ngɛriki yo ha mɛ, Timothée, ka dung kpasa bem pɔm nɛ wal mɛkara Christ. Sɔ, Bafa ɔ, hinɛ Jésus-Christ, *Kongawan pɛ ɔ, mbwa ade *dede sila ha tɛ mɛ, mbwa ade kobhe tɛ mɛ, nɛ mbwa aha mɛ gaamɔ.

2 Korente 3:2

Yo nê ɛnɛ nɛ tɛ ɛnɛ, ka dung tuka takarata pɛ ɔ. Christ ngɛraka yo ha zang sila ɔ tuka nde, wi fɛt atɔl nɛ ing yo.

Rome 16:22

Mi fin, Tersius, ka dung nê wan-ngɛriki wen nu Paul ha takarata ɛngɛ, mi fana ɛnɛ nɛ wal sɔy ka ɔ de hinɛ Kongawan.

2 Korente 9:4

Ka hio ya mɔ Masedoane ka benɛ hinɛ mi ha pɛ ɛnɛ bezɔk nde, ɛnɛ tɛ wesiri mɔ na, ki foy bede ɔ ha li mbwa hazu ɔ tɔa nde, ɔ ingɔ ɛnɛ nɛdedea. Nɛ gasa foy ka beba ɛnɛ, mi lɛm tɔ wena na.

2 Korente 10:1

Mi, Paul, mi mbo ɛnɛ nɛ wal gaa sila nɛ *dede sila pɛ Christ. Hio ma wi ha tɔa wen ha tɛ mi nde, ha ngimɔ ka mi dung hinɛ ɛnɛ haki, mi nɛ mɛndi, nɛ ka mi bo hinɛ ɛnɛ na, mi ha fuo da ha ɛnɛ.

Philémon 1:18

Ka wɛnɛ dea ma mɔ nɛ gdanga ha tɛ mɛ, mana yamando pɛ mɛ ha kɔ wa, mɛ tɔl yo gde ha zu mi.