Philémon 1:10 - Takarata pɛ Sɔ Mbombe Mbon

¹⁰ ka lokitɛ ha mɛ hazu wen pɛ Onezime, bem pɔm ka mi bhɛa ha wal mɔ Sɔ hakɛ ha zang twa zɔbhɔ.

Philémon 1:10 Referans Kwoze

Kolose 4:9

Mi betomsi wɛnɛ hinɛ Onezime, wi pɛ ɛnɛ. Wɛnɛ nê mboazu ya ɔ, ka ɔ ngoya pentɛ. Mbwa bwa fɛt benɛ nɛ ba ha ɛnɛ kasi mɔ ka dung hakɛ.

1 Korente 4:15

Hazu, ngase ka hio dɔka wi hebhe ha daya ɛnɛ ha wal mɔ Christ, bafa ɛnɛ ka nê ndang sɔna. Yo nê mi ka bhɛa ɛnɛ ha wal mɔ Jésus-Christ nɛ wal bulo *Dede Wen ha ɛnɛ.

1 Timothée 1:2

Mi ngɛriki yo ha mɛ, Timothée, ka dung kpasa bem pɔm nɛ wal mɛkara Christ. Sɔ, Bafa ɔ, hinɛ Jésus-Christ, *Kongawan pɛ ɔ, mbwa ade *dede sila ha tɛ mɛ, mbwa ade kobhe tɛ mɛ, nɛ mbwa aha mɛ gaamɔ.

Galasi 4:19

Hio bem pɔm, mi ha kpaa yimtɛ hazu ɛnɛ fin nɛ mbinga tuka bhoko ka bi bhɛ. Mi bebhɔn nɛ yimtɛ ɛngɛ tee hɔ ha ngimɔ ka ɛnɛ bedung nê hio kpasa wi pɛ Christ.

Tite 1:4

Mi ngɛriki takarata ɛngɛ ha mɛ Tite, ka tɛa ngbak bem pɔm nɛ wal Jésus-Christ ka ɔ hinɛ mɛ mɛkara gbesi. Sɔ, Bafa ɔ, nɛ Jésus-Christ, Wan-kpasisi ɔ, mbwa ade *dede sila ha tɛ mɛ, nɛ mbwa aha gaamɔ ha mɛ.

Marc 9:17

Wi ndang ha soko gili kɔa nɛ tɔa ha Jésus: «Wan-osimɔ, mi kuo bem pɔm mɔ bewei tɛnɛ ha pɛ mɛ hazu ma gdanga sɔtɛ gdɔka nu wa.

Rome 12:1

Hio ya mi, Sɔ dea *dede sila ha tɛ ɔ, mɛgi mi mbo ɛnɛ nde, ɛnɛ aha tɛ ɛnɛ fɛt ha Sɔ tuka nzɔy sadaka ka dung nɛ tunɔ. Tili sadaka ɛngɛ ha totɛ ha wɛnɛ. Ɛngɛ nê tɛ kpasa wal pɛ ɛnɛ mɛ de tom Sɔ.

1 Korente 4:14

Mi ngɛriki takarata ɛngɛ bo hazu pi foy ha li ɛnɛ na. Ma, mi ngɛriki yo hazu mbo nɛ ɛnɛ tuka ka gdibafa dung mɛ mbo nɛ bem pɛa ka wɛnɛ ngoya gdang.

Philémon 1:11

Sɔngsi, wɛnɛ tɛ gbakiri mɛ na. Ma, sising, wɛnɛ ha gbakara ɔ hinɛ mɛ.

Philémon 1:13

Sising mi dung ha twa zɔbhɔ, hazu mi bulo *Dede Wen. Yo nê ɛngi, ka mi ngoya nde, wɛnɛ abhɔn hapɛtɛ mi mɛ de tom ha mi, hazu mɛ nɛ pɛ mɛ tɛ lɛm gbakiri mi hakɛ na.

3 Jean 1:4

Ka mi zea nde, hio bem pɔm ha dea mɔ lɛm nɛ tɛwen, ɛngɛ ha mi gasa totɛ. Ma totɛ pɔm pen ɛngɛ bona.