Matthieu 9:18 - Takarata pɛ Sɔ Mbombe Mbon

¹⁸ Ka Jésus boka ha tɔa wen ndɔng, ma wan-zu *twa gɔ Sɔ hɔa tɛ hil ha si wa nɛ tɔa: «Bem pɔm mɔ bebhoko fea sising-sising. Mɛ tɛ, tɛ gde kɔ ha tɛ wa, nɛ wɛnɛ betun.»

Matthieu 9:18 Referans Kwoze

Matthieu 8:2

Nɛ ma wan-doko tɛa tɛ ngbi zigolo ha si wa nɛ tɔa: «*Kongawan, ka mɛ ngoya, mɛ lɛma sasisi tɛ mi.»

Dede Wen hazu Jésus-Christ ka Luc ngɛraka 13:14

Ma, wan-zu twa gɔ Sɔ dea ngambi hazu Jésus karsa zɛlɛ ha swe ɔmtɛ. Wɛnɛ tɔa ha giliwi: «Ha zang dimasi ndang, yala de tom nɛ mɔrkɔ zanga ndang. Yo nê ha yala ndɔng ka ɛnɛ lɛma tɛ tuka nde, ɛ akarsi zɛlɛ pɛ ɛnɛ. Yo bo ha swe ɔmtɛ na.»

Jean 11:32

Marie hɔa ha bhandi ka Jésus dung ang. Nɛ ka wɛnɛ zɔka Jésus, a teka ha si nanga wa nɛ a tɔa: «*Kongawan, abo se nde mɛ badung hakɛ, ki ya mi tɛ fe na.»

Matthieu 9:24

a tɔa ha mbwa: «Ɛnɛ gbo! Hazu bebhoko ɛngɛ tɛ fe na, ma, a ɔ nɛ la.» Nɛ mbwa mama wɛnɛ gbɔɔ.

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Jean 11:25

Jésus kiforo wen ha wɛnɛ: «Mi nê wan-tunsi hio fiowi, nɛ mi nê wan-ha tunɔ ha hio wi. Wi ka mɛkiri mi, wɛnɛ bedung nɛ zutunɔ ngase ka wɛnɛ fea.

Dede Wen hazu Jésus-Christ ka Luc ngɛraka 18:18

Ma gasa wi ana Jésus: «Dede wan-osimɔ, mi bede nɛ ge hazu kpa *tunɔ kpoo ge nde?»

Dede Wen hazu Jésus-Christ ka Luc ngɛraka 7:2

Haki, ma kagama-bulo dungɔ nɛ ma bala, ka wɛnɛ ngoya pentɛ. Nɛ bala ɛngɛ dungɔ nɛ zɛlɛ hapɛtɛ fio.

Matthieu 28:17

Ka mbwa zɔka wɛnɛ, mbwa hilo ha si wa. Tangere, hio ma dungɔ ha sio kafɛ ha sila mbwa.

Matthieu 17:14

Ka mbwa hɔa ha bhandi ka zugiliwi wesara may ang, ma wei tiko tɛ ngbi zigolo ha si Jésus,

Matthieu 15:25

Ma, bhoko ɛngɛ tɛa tɛ ngbi zigolo ha si wa nɛ tɔa: «Kongawan, gbakiri mi wa!»

Matthieu 14:33

Mɛgi hio wan-yambimɔ ha zang sɔngu hilo ha si Jésus, nɛ mbwa tɔa: «Kpasawen, mɛ nê *Bewei pɛ Sɔ!»

Matthieu 20:20

Hapata ko pɛ Zebede hinɛ hio bewei pɛa bwa tɛa ha pɛ Jésus. Wɛnɛ ngbio zigolo ha si wa hazu ani ma mɔ ha kɔ wa.

Matthieu 8:25

Nɛ hio wan-yambimɔ tiko nɛ ha pɛa, tunso wɛnɛ nɛ tɔa: «*Kongawan, kpasisi ɔ, ɔ sanga nɛ fio!»

Matthieu 9:17

Wi lɛm a mbombe dɔkɔ ha zang mɔa lɔngɔ na. Hazu ka yo beangiri nɔya, yo bele gbatolo mɔa lɔngɔ nɛ yo begba lɔngɔa. Mɛgi dɔkɔ betɛ gɔy nɛ ɛ betɛ kɔpi lɔngɔ. Dea nde, ɛ a-a mbombe dɔkɔ ha zang mbombe lɔngɔ nɛ mɔ ndɔng bwa fɛt bebhɔn.»

Matthieu 9:19

Nɛ Jésus nɛ hio *wan-yambimɔ pɛa guotɛ nɛ ndara wɛnɛ.

Deamɔ 28:8

Bafa mɛ Publius ɔanu nɛ zɛlɛ bawetɛ nɛ sɔa tɔk. Paul lea pimbi pɛa, gdea kɔ ha tɛ wa, gɔa Sɔ, nɛ kpasasa wɛnɛ.