Matthieu 8:31 - Takarata pɛ Sɔ Mbombe Mbon

³¹ Hio gdanga sɔtɛ ndɔng lokatɛ ha wɛnɛ nɛ tɔa: «Ka mɛ beyin ɔ, mɛ tomsi ɔ ha tɛ hio nguru ndɔng haki.»

Matthieu 8:31 Referans Kwoze

Marc 5:12

Nɛ gdanga sɔtɛ ndɔng lokatɛ ha Jésus: «Mɛ tomsi ɔ ha zang nguru ndɔng, ka ɔ ale ha tɛ mbwa wa!»

Gbasamɔ 12:12

Mɛgi, ngɔn nɛ hio wi ka de le ang, ɛnɛ ade totɛ! Ma, ngɔtɛ ha nu nɛ ha nana-litɔng, hazu Satan zilo nɛ ha pɛ ɛnɛ. Nɛ wɛnɛ nɛ gasa ngambi, hazu a ingɔ nde, yala pɛa dɔk fin na.»

Marc 5:7

Nɛ wɛnɛ gdɔra nɛ ngagɛl, a tɔa: «Jésus, *Bewei pɛ Sɔ ha kuso ngɔn, mɛ ngoy mɛ de nɛ ge nɛ mi ge? Mi baa nanga mɛ nɛ ling Sɔ nde, ka mɛ andulsi mi na.»

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Matthieu 7:6

«Ka ɛnɛ aha nzɔy mɔ ha hio tolo na. Yu nde, mbwa bekifiri tɛ yɔng ɛnɛ. Nɛ ka ɛnɛ aha hio mɛtɛtɛ pɛ ɛnɛ ha hio nguru na. Yu nde, mbwa be-um yo nɛ nanga mbwa.»

Matthieu 8:30

Nɛ ma zugili nguru dungɔ ha yɔngamɔ nɛyɛa nɛ mbwa tikiring.

Matthieu 8:32

Jésus tɔa ha mbwa: «Ɛnɛ nɛ!» Nɛ mbwa gboa ha tɛ wi ndɔng bwa, nɛ le tɛ hio nguru. Mɛgi zugili nguru fɛt *bhilo tek ha kuso nu ngindi tɔ. Nɛ mbwa fɛt fea li.