Matthieu 8:3 - Takarata pɛ Sɔ Mbombe Mbon

³ Nɛ Jésus yafafa kɔ wa, ba tɛ wa nɛ tɔa: «Mi ngoya yo, tɛ mɛ asa!» Nɛ ha ndangtɛ ngimɔ tɛ wan-doko ɛngɛ saa.

Matthieu 8:3 Referans Kwoze

Dede Wen hazu Jésus-Christ ka Luc ngɛraka 5:13

Jésus yafafa kɔ ba nɛ tɛ wan-doko, nɛ a tɔa: «Mi ngoya, tɛ mɛ asa!» Ha ndangtɛ ngimɔ, doko pɛa kara.

Marc 1:41

Sila Jésus doya nɛ ngɔtɛ. A yafafa kɔ ndɔ tɛ wi ɛngɛ, nɛ tɔa: «Mi ngoya, tɛ mɛ asa.»

Jean 5:21

Gbesi tuka Bafa mi gu hio fiowi nɛ gde mbwa nɛ tunɔ, mi Bewei pɛa, mi ha tunɔ ha hio wi tuka sila mi ngoya.

Marc 4:39

Jésus tunɔ ha la. A gaya gbabok nɛ a tɔa nɛ ngagɛl ha li: «Mɛ ga, kari sɛm!» Bok ɛngɛ kara nɛ mɔ gaa selele.

Jean 11:43

Hapata wen ki, Jésus saa Lazare nɛ ngagɛl: «Lazare, mɛ gbo!»

Dede Wen hazu Jésus-Christ ka Luc ngɛraka 7:14

Nɛ a tiko nɛ nɛ gde kɔ ha zu kubha fio. Nɛ wi ndɔng ka ba yo nɛnɛ yola, nɛ Jésus tɔa: «Pɔlɔmbɔ wi, mi ha nu ha mɛ, gutɛ mɛ!»

Marc 9:25

Ka Jésus zɔka nde, hio wi wesara may nɛdɔka pen mɔ sɔngsi, a haa nu nɛngaya ha gdanga sɔtɛ nɛ a tɔa: «Mi haa nu ha mɛ, gdanga sɔtɛ ka gdɔki nu nɛ zala wi, mɛ gbo ha tɛ bem ɛngɛ, nɛ ka mɛ ale ha tɛ wa fin na!»

Marc 7:34

Hapata, a guo li ha ngɔn, pesa ɔmi lɛng-kpɛng nɛ tɔa: «Efata!» Ɛngɛ tɔ nde, mɛ gbo long!

Marc 5:41

Jésus baa kɔ bebhoko ɛngɛ nɛ a tɔa ha wɛnɛ: «Talita, kumi!» Ɛngɛ tɔ nde, bebhoko, mi tɔ ha mɛ, mɛ gutɛ.

Jean 15:24

Mi dea hio ma tom ha soko mbwa ka wi ndang tɛ de ka sɔngsi na. Mi ade se tom ndɔng na, ki mbwa bo nɛ sɛmbɔ na. Ma, mbwa zɔka tom pɔm, nɛ mbwa sɛna mi hinɛ Bafa mi.

Matthieu 12:13

Nɛ Jésus tɔa ha wan-yɔmba kɔ: «Yafifi kɔ mɛ!» Wɛnɛ yafafa, nɛ kɔ wa kiforo nɛ dedea tuka mbinga.

Dede Wen hazu Jésus-Christ ka Luc ngɛraka 4:27

Nɛ fin, ha ngimɔ pɛ wan-tɔkuliwen Elisée, hio wan-doko dungɔ nɛdɔka ha kandɔnu Israel. Ma, ma ndang ha soko mbwa tɛ kpasi na, kanɛ Naaman, wi mɛ kandɔnu Siri.»