Matthieu 8:29 - Takarata pɛ Sɔ Mbombe Mbon

²⁹ Mbwa gdɔra: «*Bewei pɛ Sɔ, mɛ ngoy mɛ de nɛ ge nɛ ɔ ge? Mɛ tɛa hazu yukiti ɔ sɔngsi swe kita pɛ Sɔ nde?»

Matthieu 8:29 Referans Kwoze

Marc 1:24

«Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Dede Wen hazu Jésus-Christ ka Luc ngɛraka 4:34

«Yiss, Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Jacques 2:19

Mɛ mɛkara nde, Sɔ nê ndang sɔna? Ey, mɛ dea nɛdedea. Hio gdanga sɔtɛ fin mɛkara mɛgi, nɛ sila mbwa gɔn nɛ ke.

Marc 5:7

Nɛ wɛnɛ gdɔra nɛ ngagɛl, a tɔa: «Jésus, *Bewei pɛ Sɔ ha kuso ngɔn, mɛ ngoy mɛ de nɛ ge nɛ mi ge? Mi baa nanga mɛ nɛ ling Sɔ nde, ka mɛ andulsi mi na.»

Dede Wen hazu Jésus-Christ ka Luc ngɛraka 8:28

Ngimɔ nɛdɔka gdanga sɔtɛ baa wɛnɛ. Hio wi hɛla kɔ wa nɛ nanga wa nɛ gbazɔbhɔ, hazu pam nɛ wɛnɛ. Ngase ɛngi, a gɔna mɔ ndɔng fɛt nɛ gdanga sɔtɛ ngbɔsa wɛnɛ nɛnɛ ha zang bɛlɛ. Nɛ ka wɛnɛ zɔka Jésus, a gdɔra nɛngaya, a teka ha si wa, nɛ a tɔa nɛ ngagɛl: «Jésus, *Bewei pɛ Sɔ ha kuso ngɔn, mɛ ngoy mɛ de ge nɛ mi? Mi lokitɛ ha mɛ, ka mɛ ayukiti mi na.» A tɔa mɛgi hazu Jésus haa nu ha gdanga sɔtɛ nde, wɛnɛ agbo ha tɛ wi ɛngɛ.

2 Pierre 2:4

Kpasawen, Sɔ tɛ de kobhe tɛ hio *telenge ndɔng ka bade gdangamɔ sɔngsi, na. Ma, a pio mbwa ha bhandi yɔng nzata. Mbwa dung haki nɛ sanga kɔ ha bhandi ngɛ-ngɛ-ngɛ tutum keri nɛ ngimɔ kita pɛ Sɔ.

Matthieu 4:3

Satan tiko nɛ hapɛtɛ Jésus nɛ tɔa: «Ka mɛ nê *Bewei pɛ Sɔ, mɛ ha nu ha ta ndɔng akifi mampa.»

Jean 2:4

Ma, Jésus kiforo wen ha wɛnɛ: «Nana mi, mɛ takiri pɛ mɛ nde, wen ɛngɛ zɔk nɛ mi nde? Ngimɔ pɔm tɛ lɛm ka na.»

Dede Wen hazu Jésus-Christ ka Luc ngɛraka 4:41

Hio gdanga sɔtɛ gboa ha tɛ dɔka wi nɛ gdɔra: «Mɛ nê *Bewei pɛ Sɔ!» Ma, Jésus gaya mbwa nde, ka mbwa awolmɔ na, hazu mbwa ingɔ fɛt nde, wɛnɛ nê *Mesi.

Jude 1:6

Tazu ɛnɛ agba fin nɛ hio *telenge ndɔng ka balak bhandi pɛ mbwa gde hazu mbwa ngoya ziomɔ pen ɛngɛ ka Sɔ haa ha mbwa. Sɔ basang mbwa nɛ zɔbhɔ kpoo, pi ha zang ngɛ-ngɛ-ngɛ tutum, keri nɛ gasa ngimɔ kita.

Deamɔ 16:17

Wɛnɛ naka pata Paul nɛ ɔ fɛt, nɛ a gdɔra nɛ ngagɛl: «Hio wi ndɔng nê wan-tom pɛ Sɔ ha kuso ngɔn. Mbwa ha osa ha ɛnɛ wal *mɔkpasi.»

Marc 3:11

Nɛ ka hio wi ka dung bala ha kɔ gdanga sɔtɛ zɔka wɛnɛ, mbwa teka ha si wa, nɛ mbwa gdɔra nɛ ngagɛl: «Mɛ nê *Bewei pɛ Sɔ!»

Matthieu 8:30

Nɛ ma zugili nguru dungɔ ha yɔngamɔ nɛyɛa nɛ mbwa tikiring.