Matthieu 7:7 - Takarata pɛ Sɔ Mbombe Mbon

⁷ «Ɛnɛ gɔ mɔ, nɛ ɛ beha yo ha ɛnɛ. Ɛnɛ ki mɔ, nɛ ɛnɛ bekpa yo. Ɛnɛ kɔn nutwa, nɛ ɛ begbosisi yo ha ɛnɛ.

Matthieu 7:7 Referans Kwoze

Matthieu 21:22

Ka ɛnɛ gɔ Sɔ nɛ mɛkaramɔ, ɛnɛ bekpa mɔ fɛt ka ɛnɛ gɔ ha kɔ wa.»

1 Jean 3:22

Ɔ ha kpaa mɔ fɛt ka ɔ gɔ ha kɔ wa, hazu ɔ ha pama hio *mbonga pɛa, nɛ ɔ ha dea mɔ ka ha totɛ ha wɛnɛ.

Jean 15:7

Ka ɛnɛ bhɔn ha tɛ mi, nɛ ka wen pɔm bhɔn ha tɛ ɛnɛ, ɛnɛ lɛma ana mɔ fɛt ka ɛnɛ ngoya, nɛ ɛnɛ bekpa yo.

Marc 11:24

Yo nê ɛngi ka mi tɔ ha ɛnɛ, ka ɛnɛ gɔ Sɔ hazu ani nɛ ma mɔ, ɛnɛ gde tazu ɛnɛ nde, ɛnɛ kpaa yo kari. Nɛ Sɔ beha yo ha ɛnɛ.

Matthieu 6:33

Mɛgi, pen mɔ fɛt, ɛnɛ ki mɛ dung hio wi mɔ *Kongakandɔ pɛ Sɔ, nɛ ɛnɛ de mɔ ka dung nzeng ha li wa, nɛ Sɔ beha ɛnɛ olo mɔ fɛt.

Matthieu 7:8

Hazu wi ndang ndang fɛt ka gɔ mɔ, ɛ beha yo ha wɛnɛ. Nɛ wi ka ki mɔ, a bekpa yo. Nɛ wi ka kɔn nutwa, ɛ begbosisi yo ha wɛnɛ.

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Hebro 11:6

Ka ma wi tɛ mɛkiri ka Sɔ na, Sɔ lɛm de totɛ tɛ wa na. Hazu wi ka tiki nɛ hapɛtɛ Sɔ hazu gɔ wɛnɛ, dea ka de nde, wia amɛkiri nde, Sɔ ang. Nɛ dea fin nde, wia aing nde, Sɔ bekɛ wi ndɔng ka ki wal mɛ ing wɛnɛ.

Jean 4:10

Jésus kiforo wen ha wɛnɛ: «Mɛ aing se mɔ ka Sɔ ngoy mɛ ha ha hio wi, nɛ mɛ aing se mi ka gɔ li ha kɔ mɛ, ki yo nê mɛ ka begɔ li ha kɔ mi, nɛ mi betɛ ha mɛ li ka ha tunɔ.»

Matthieu 18:19

«Kpasawen, mi tɔ fin ha ɛnɛ nde, ka wi bwa ha soko ɛnɛ ha zu nu kpo zuwen mɛ gɔ ma mɔ ha kɔ Bafa mi ka dung ha zang ngɔn, wɛnɛ beha yo ha mbwa.

Jacques 5:15

Ka mbwa gɔ Sɔ nɛ gdea tazu fɛt ha wɛnɛ, a bekpasisi wan-zɛlɛ. A bekifiri dede tɛ ha wia. Nɛ ka wɛnɛ bade gdangamɔ, Sɔ bebisi yo yunɛ.

Dede Wen hazu Jésus-Christ ka Luc ngɛraka 18:1

Jésus tɔa ma towen ha hio *wan-yambimɔ pɛa hazu mbo nɛ mbwa nde, mbwa agɔ Sɔ kpoo nɛ tɛ mbwa akati ha dea yo na.

Matthieu 7:11

Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi pen fɛt Bafa ɛnɛ ha zang ngɔn beha dedemɔ ha wi ndɔng ka gɔ wɛnɛ.»

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

Rome 3:11

Ma wi ndang ka dung nɛ mbaramɔ bona. Ma wi ndang ka ki wal mɛ ing Sɔ bona.

Dede Wen hazu Jésus-Christ ka Luc ngɛraka 13:25

«Hapata ka wan-twa begutɛ gdɔki nutwa nɛ sɔtɛ, mɔ kara kari. Ɛnɛ bebhɔn bin ha dɛl ha kɔna nutwa, nɛ tɔa: ‹Wan pɛ ɔ, mɛ gbosisi ha ɔ!› Ma, a betɔ ha ɛnɛ: ‹Mi ing ɛnɛ na!›