Matthieu 7:22 - Takarata pɛ Sɔ Mbombe Mbon

²² Ha swe kita, dɔka wi betɔ ha mi nde, ‹Kongawan, Kongawan bo nɛ ɔ batɔ kuliwen nɛ ling mɛ na nde? Bo nɛ ɔ bayin hio gdanga sɔtɛ nɛ ling mɛ na nde? Bo nɛ ɔ bade dɔka *mɔkifi nɛ ling mɛ na nde?›

Matthieu 7:22 Referans Kwoze

2 Timothée 1:12

Yo nê hazu ɛngi, ka mi ha kpaa nɛ yeksamɔ ndɔng. Ma, mi de foy na, hazu mi ingɔ wi kɛ ka mi gde tazu mi ha tɛ wa. Nɛ mi ingɔ nɛdedea nde, wɛnɛ nɛ ngatɛ mɛ pam mɔ ka wɛnɛ gdea ha kɔ mi, kanɛ swe ka wɛnɛ bepe nɛ.

2 Timothée 4:8

Mɔ sising, kɛamɔ pɛ wan-gan bulo ha kera mi hazu mi dea mɔ nzeng. Kongawan, nzeng wan-gɔn kita, beha mi kɛamɔ ɛngɛ ha swe ka wɛnɛ bepe nɛ. A lɛm ha yo sɔna ha mi gbatɛ na, ma, a beha yo fin ha hio wi ndɔng fɛt ka keri kiforo pɛa nɛ totɛ.

Jean 11:51

Kaife tɛ tɔ wen ki nɛ zu wa nɛ pɛa tɛ na. Ma, tuka wɛnɛ nê wan-zu hio wan-hasadaka ha bɛlɛ ɛngi, wɛnɛ tɔa nɛ kuliwen nde, Jésus befe gɔn nɛ zu wi mɔ kandɔ *zuife fɛt.

1 Tesalonike 5:4

Ma, pɛ ɛnɛ hio ya ɔ, ɛnɛ bo ha zang tutum na. Mɛgi, swe ɛngɛ lɛm wang ɛnɛ wang tuka wanzu na.

Dede Wen hazu Jésus-Christ ka Luc ngɛraka 10:12

Mi tɔ ha ɛnɛ nde, ha ngimɔ ka Sɔ begɔn kita, wɛnɛ beba hio wi mɔ le ɛngi nɛngaya pen hio wi mɔ le Sodome.»

Matthieu 25:11

«Hapata, hio yera bhoko kiforo tɛ, tɛ gdɔri ha nutwa: ‹*Kongawan, Kongawan, gbosisi nutwa ha ɔ wa!›

Matthieu 24:36

«Ma wi ndang ing yala nɛ ngimɔ ka mɔ ndɔng behɔ na. Ngase hio *telenge ha ngɔn, ngase mi, *Bewei pɛ Sɔ, kanɛ Bafa mi sɔna ha ing yo.

Matthieu 7:21

«Hio wi ang ka sa mi nde, *Kongawan, Kongawan. Ma, mbwa fɛt lɛm le ha *Kongakandɔ Ngɔn na. Yo sɔna nê wi ndɔng ka de mɔ ka Bafa mi ka dung ha zang ngɔn ngoya.

2 Timothée 1:18

Kongawan ade kobhe tɛ wa ha swe ka wɛnɛ bepe nɛ. Mɛ ingɔ nɛdedea nde, a dea dɔka tom ha mi ha le Efeze.

2 Tesalonike 1:10

Mɔ ndɔng behɔ ha swe ka wɛnɛ bepe nɛ hazu nde, hio nzɔy wi pɛa alukisi wɛnɛ, nɛ hio wan-mɛkiri wɛnɛ fɛt awolsi wɛnɛ. Ɛnɛ fin bedung ha soko wi ndɔng, hazu ɛnɛ mɛkara wen ka ɔ bulo ha ɛnɛ.

Matthieu 10:15

Kpasawen, mi tɔ ha ɛnɛ nde, ha ngimɔ ka Sɔ begɔn kita, wɛnɛ beba hio wi mɔ le ɛngi nɛngaya pen hio wi mɔ le Sodome nɛ Gomore.»