Matthieu 7:21 - Takarata pɛ Sɔ Mbombe Mbon

²¹ «Hio wi ang ka sa mi nde, *Kongawan, Kongawan. Ma, mbwa fɛt lɛm le ha *Kongakandɔ Ngɔn na. Yo sɔna nê wi ndɔng ka de mɔ ka Bafa mi ka dung ha zang ngɔn ngoya.

Matthieu 7:21 Referans Kwoze

Rome 2:13

Wi ka ze mbonga nɛ zala sɔna, Sɔ lɛm gde wia nzeng ha li wa na. Ma, yo nê wi ndɔng ka de mɔ lɛm nɛ wen mbonga, ka Sɔ begde mbwa nzeng ha li wa.

Dede Wen hazu Jésus-Christ ka Luc ngɛraka 6:46

«Hazu ge ɛnɛ sa mi nde, *Kongawan, Kongawan, nɛ ɛnɛ de mɔ ka mi tɔ ha ɛnɛ na ge nde?

Jacques 1:22

Ɛnɛ de mɔ lɛm nɛ wen pɛ Sɔ, ka ɛnɛ aze yo sɔna nɛ zala na! Ka ɛnɛ ze ze sɔna, ki ɛnɛ osala tɛ ɛnɛ nɛ pɛ ɛnɛ tɛ.

Dede Wen hazu Jésus-Christ ka Luc ngɛraka 11:28

Ma, Jésus kiforo wen: «Bo sɔna nê ɛngi na. Totɛ pen fɛt ha wi ndɔng, ka ze wen pɛ Sɔ, nɛ ka de mɔ lɛm nɛ wena!»

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Hebro 4:6

Hio bosi wi ka zea Dede Wen, mbwa tɛ le ha bhandi ɔmtɛ ɛngɛ na, hazu mbwa tɛ mɛkiri yo na. Mɛgi, hio mbing wi bekpa wal mɛ le ang.

Jean 6:40

Bafa mi ngoya nde, wi ndang ndang fɛt ka zɔk Bewei pɛa, nɛ ka mɛkiri wɛnɛ, akpa tunɔ kpoo. Nɛ mi betunsi mbwa ha soko hio fiowi ha kpogio ngimɔ.»

Gbasamɔ 3:5

«Wi fɛt ka began zu mɔ, mbwa beyol bu la mɛgi. Nɛ mi lɛm bisi ling mbwa ha zang Takarata Tunɔ ndang na. Ha li Bafa mi nɛ ha li hio telenge pɛa, mi betɔ long nde, wi ndɔng nê hio wi pɔm.

1 Pierre 4:2

Angiri sising, ha ngimɔ fɛt ka ɛnɛ bhɔna nɛ zutunɔ, dea nde, ɛnɛ ade sɔna nɛ mɔ ka Sɔ ngoya. Ka ɛnɛ ade fin hio mɔ ka tɛ ɛnɛ ngoya na.

Hebro 13:21

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.

Matthieu 12:50

Hazu wi ka de mɔ ka Bafa mi ha zang ngɔn ngoya, wɛnɛ nê ya mi mɔ bewei, mɔ bebhoko, nɛ nana mi.»

Gbasamɔ 22:14

Totɛ ha hio wi ndɔng ka fal la pɛ mbwa nɛ saa. Mɛgi, mbwa bekpa wal mɛ yɔng waya te ka ha tunɔ, nɛ mɛ le ha gasa le nɛ hio nu kina.

Jean 3:5

Jésus kiforo wen: «Kpasawen, mi tɔ ha mɛ, ka ɛ tɛ bhɛ ka mɛ nɛ wal li nɛ *Nzɔy-Sɔtɛ na, mɛ lɛm le ha Kongakandɔ pɛ Sɔ na.

Matthieu 18:3

nɛ tɔa: «Kpasawen, mi tɔ ha ɛnɛ nde, ka ɛnɛ kifiri tɛ ɛnɛ nɛ tɛ tuka bhobem na, ɛnɛ lɛm le Kongakandɔ Ngɔn ndang na.

Jean 7:17

Wi ka ngoy de mɔ ka sila Sɔ ngoya, wɛnɛ being nde, mana osamɔ pɔm tɛ nɛ wal Sɔ, mana mi ha wola nɛ mɔ nɛ pɔm tɛ.

Rome 12:2

Ka ɛnɛ azɔk nɛ ndɔki deamɔ pɛ wi mɔ nzan hazu de nɛ pɛ ɛnɛ na. Ma, ɛnɛ gde Sɔ aha ɛnɛ mbombe ndɔki takaramɔ hazu kpali ɛnɛ nɛ mbombe wi. Ka ɛnɛ de mɛgi, ɛnɛ being gbaa soko mɔ ka Sɔ ngoy. Wɛnɛ ngoy mɔ ka dung nɛ dedea, ka ha totɛ ha wɛnɛ, nɛ ka lɛm wɛɛ.

Marc 3:35

Hazu wi ka de mɔ ka Sɔ ngoya, wɛnɛ nê ya mi mɔ wei, mɔ bhoko, nɛ nana mi.»

1 Tesalonike 5:18

Ɛnɛ aha oeba ha Sɔ ha zang mɔ fɛt. Hazu Sɔ ngoya nde, ɛnɛ ka de sɔy hinɛ Jésus-Christ, ɛnɛ ade mɛgi.

Efeze 6:6

Lɛma nde, ka ɛnɛ ade yo nɛ peali mana hazu ki longo pɛ wi na. Ma, ɛnɛ ade yo tuka hio bala pɛ Christ ka ha sila mbwa fɛt ha dea mɔ ka Sɔ ngoya.

1 Pierre 2:15

Hazu Sɔ ngoya nde, ɛnɛ ade dedemɔ hazu gdɔki nu hio yera wi ndɔng ka ing mɔ na.

Matthieu 25:21

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

1 Tesalonike 4:3

Mɔ ka sila Sɔ ngoya, yo nde, ɛnɛ adung nê nzɔy wi, nɛ ka ɛnɛ ade wanza na.

Kolose 4:12

Epafras, wi pɛ ɛnɛ, fana ɛnɛ. Wɛnɛ nê wan-tom pɛ Jésus-Christ ka gbɛngsi tɛ swe fɛt ha gɔa Sɔ hazu ɛnɛ nde, sila ɛnɛ adon lɛtɛtɛ nɛ mɛkaramɔ ka lɛma wɛɛ, nɛ nde, ɛnɛ ade mɔ ka Sɔ ngoya ha mɔ fɛt.

Dede Wen hazu Jésus-Christ ka Luc ngɛraka 13:25

«Hapata ka wan-twa begutɛ gdɔki nutwa nɛ sɔtɛ, mɔ kara kari. Ɛnɛ bebhɔn bin ha dɛl ha kɔna nutwa, nɛ tɔa: ‹Wan pɛ ɔ, mɛ gbosisi ha ɔ!› Ma, a betɔ ha ɛnɛ: ‹Mi ing ɛnɛ na!›

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Dede Wen hazu Jésus-Christ ka Luc ngɛraka 18:25

Yo nê ngaya hazu toyfok mɛ pen ha lok ndɔ. Ma, yo nɛ ngaya fin pentɛ pet hazu wan-kpamɔ mɛ le ha Kongakandɔ pɛ Sɔ.»

Marc 9:47

Nɛ ka gbali mɛ dak mɛ pi ha dea gdangamɔ, kɔti yo pi. Hazu nɛdedea nde, mɛ ale nɛ gbali ndang sɔna ha *Kongakandɔ pɛ Sɔ, pen nde ɛ api mɛ ha bhandi we nɛ gbali bwa,

Matthieu 19:24

Nɛ mi tɔ fin ha ɛnɛ nde, yo nɛ ngaya nɛ toyfok mɛ pen ha lok ndɔ. Ma, yo nɛ ngaya fin pentɛ nɛ wan-kpamɔ mɛ le ha *Kongakandɔ pɛ Sɔ.»

Matthieu 18:35

«Bafa mi ha zang ngɔn bede nɛ ɛnɛ gbesi, ka ɛnɛ bisi *sɛmbɔ pɛ ya ɛnɛ nɛ sila ɛnɛ fɛt na.»

Jean 15:23

Wi kɛ ka sɛn mi, a sɛna Bafa mi fin.

Matthieu 26:42

Ha zebwaa fin, a nɛa nɛyɛa tikiring nɛ gɔa Sɔ: «Bafa mi, ka lɛma nde, mi anɔ kɔpɔ ɛngɛ hazu mɛ lɛm mɛ yɛsisi yo nɛ mi na, ki mɔ ahɔ tuka mɛ ngoya.»

Matthieu 16:17

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.

Gbasamɔ 2:27

Mbwa bekpa tongolo wan mɔ bolo hazu ngbɔsi nɛ hio kandɔ, nɛ mbwa beyangili mbwa tuka hio kpana ge bhutu-bhutu.

Jean 14:7

Ka ɛnɛ ingɔ mi, ɛnɛ being fin Bafa mi. Angiri sising, ɛnɛ ingɔ wɛnɛ nɛ ɛnɛ zɔka wɛnɛ.»

Jean 5:17

Ma, Jésus tɔa ha mbwa: «Bafa mi ha dea tom ngimɔ fɛt. Mɛgi, mi fin, mi ha dea tom.»

Matthieu 26:39

Nɛ wɛnɛ tiko nɛ ha sɔngsi tikiring. Haki a teka gok li wa ha nu, nɛ a gɔa Sɔ: «Bafa mi, ka lɛma, mɛ yɛsisi kɔpɔ ngamɔ ɛngɛ nɛ mi. Ma, bo tuka mi ngoya na, ma, tuka mɛ ngoya.»

Matthieu 18:10

«Pangay, ka ɛnɛ aba hio bebe wi ndɔng tuka tum wi na! Hazu mi tɔ ha ɛnɛ nde, hio *telenge pɛ mbwa ha ngɔn dung swe fɛt ha li Bafa mi ha zang ngɔn. [

Matthieu 18:19

«Kpasawen, mi tɔ fin ha ɛnɛ nde, ka wi bwa ha soko ɛnɛ ha zu nu kpo zuwen mɛ gɔ ma mɔ ha kɔ Bafa mi ka dung ha zang ngɔn, wɛnɛ beha yo ha mbwa.

Matthieu 25:10

Ma, ha ngimɔ ka mbwa nɛa ha hɛa li lamba, wan-sibhoko hɔa. Hio bhoko ka dungɔ gdungɛ-gdungɛ, lea twa yenga sibhoko hinɛ wɛnɛ, nɛ ɛ gdɔka nutwa nɛ sɔtɛ.