Matthieu 6:12 - Takarata pɛ Sɔ Mbombe Mbon

¹² Ha ɔ *tiso hazu gdangamɔ pɛ ɔ, tuka ɔ haa tiso ha wi ndɔng, ka de gdangamɔ ha tɛ ɔ.

Matthieu 6:12 Referans Kwoze

Efeze 4:32

Lɛma nde, ɛnɛ ade dedemɔ ha tɛ may nɛ de kobhe tɛ may fin. Ɛnɛ abisi *sɛmbɔ ka hio wi de ha tɛ ɛnɛ, gbesi tuka ka Sɔ biso nɛ sɛmbɔ pɛ ɛnɛ nɛ wal tom ka Christ dea.

Marc 11:25

Ka ɛnɛ ngoy mɛ gɔ Sɔ, nɛ ka ɛnɛ nɛ ma wen hinɛ ma wi, ɛnɛ abisi *sɛmbɔ ka wɛnɛ dea ha tɛ ɛnɛ. Mɛgi Bafa ɛnɛ ha zang ngɔn bebisi sɛmbɔ pɛ ɛnɛ. [

Efeze 1:7

Sɔ yanga ɔ ha si gdangamɔ nɛ wal tɔktɛ Bewei pɛa, nɛ a biso gdangamɔ ka ɔ dea. Ɛngɛ osi nde, Sɔ nɛ dede sila pentɛ.

Kolose 3:13

Ɛnɛ aba sila nɛ may, nɛ ɛnɛ abisi *sɛmbɔ pɛ may ngimɔ fɛt ka ɛnɛ nɛ ma wen sungiri nɛ may, gbesi tuka ka *Kongawan biso nɛ sɛmbɔ pɛ ɛnɛ fin.

Dede Wen hazu Jésus-Christ ka Luc ngɛraka 11:4

Bisi *sɛmbɔ pɛ ɔ, hazu ɔ ha biso sɛmbɔ pɛ hio *wan-de gdangamɔ ha tɛ ɔ fɛt. Lesisi ɔ ha *sɛbhalamɔ na.»

Dede Wen hazu Jésus-Christ ka Luc ngɛraka 6:37

«Ɛnɛ agɔn kita ha zu ma wi na, mɛgi Sɔ lɛm gɔn kita ha zu ɛnɛ na. Ɛnɛ agɔn kita ba ma wi na, mɛgi Sɔ lɛm gɔn kita ba ɛnɛ na. Ɛnɛ bisi *sɛmbɔ pɛ may, mɛgi Sɔ bebisi sɛmbɔ pɛ ɛnɛ.

Deamɔ 13:38

Mɛgi, hio ya mi, ɛnɛ aing nde, Sɔ bheka mɛ bisi *sɛmbɔ pɛ ɛnɛ nɛ wal Jésus. Mbonga pɛ Moïse lɛm de nde, ɛnɛ apen sɛɛ ha li kita pɛ Sɔ, na.

Matthieu 9:2

Nɛ hio ma wi kuo ma wan-zɛlɛ mɛla nɛ lang, tɛnɛ ha wɛnɛ. Ka Jésus zɔka nde, mbwa mɛkara Sɔ nɛkpasa, a tɔa ha wan-zɛlɛ: «Dan mi, ba da! Mi biso *sɛmbɔ pɛ mɛ kari.»

Matthieu 26:28

Hazu ɛngɛ nê tɔktɛ mi, ka dung nê nɔa *mbon ha soko hio wi nɛ Sɔ. Yo besɛ hazu bisi *sɛmbɔ pɛ dɔka wi.

Dede Wen hazu Jésus-Christ ka Luc ngɛraka 13:4

Nɛ wi bhukɔ zanga mɔrkɔ gbala tar, ka kuso twa hapɛtɛ bebe tɔ Siloe bagbin gbɛ mbwa, ɛnɛ takiri nde, mbwa nê gasa wan-de gdangamɔ pen olo wi mɔ Jérusalem nde?