Matthieu 5:48 - Takarata pɛ Sɔ Mbombe Mbon

⁴⁸ Mɛgi, dea nde, deamɔ pɛ ɛnɛ alɛm wɛɛ, gbesi tuka deamɔ pɛ Bafa ɛnɛ ka dung ha zang ngɔn lɛma wɛɛ.»

Matthieu 5:48 Referans Kwoze

Jacques 1:4

Nɛ yo lɛma nde, ɛnɛ adung nɛ yikosila kanɛ kpogio. Ka ɛnɛ de mɛgi, ɛnɛ belɛm wɛɛ, nɛ ma mɔ ndang lɛm kɔpi ɛnɛ na.

Dede Wen hazu Jésus-Christ ka Luc ngɛraka 6:36

Ɛnɛ ade kobhe tɛ wi gbesi tuka Bafa ɛnɛ ha dea kobhe tɛ wi.»

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

1 Jean 3:3

Mɛgi, wi fɛt ka gde tazu ha tɛ Christ nde, mɔ behɔ mɛgi, lɛma nde, mbwa ade tɛ mbwa nɛ nzɔya tuka Christ nɛ nzɔya.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Dede Wen hazu Jésus-Christ ka Luc ngɛraka 6:40

*Wan-yambimɔ ndang pen wan-osimɔ pɛa na. Ma, ka wɛnɛ yamba mɔ fɛt wɛ ɛ, a bedung tuka wan-osimɔ pɛa.

Matthieu 5:16

Mɛgi, dea nde, saamɔ pɛ ɛnɛ aba ha li hio wi fɛt tuka nde, mbwa azɔk dede deamɔ pɛ ɛnɛ, nɛ mbwa alukisi Bafa ɛnɛ ka dung ha kuso ngɔn.»

Matthieu 5:45

Ka ɛnɛ de mɛgi, ɛnɛ bedung nê bem pɛ Bafa ɛnɛ ka dung ha zang ngɔn. Hazu wɛnɛ ha dea nde, swe aba ha zu dede wi nɛ ha zu gdanga wi fɛt gbesi, nɛ nde, kolo aɔl ha zu *nzeng wi nɛ ha zu *kalbho-kalbho wi fɛt gbesi.

Kolose 4:12

Epafras, wi pɛ ɛnɛ, fana ɛnɛ. Wɛnɛ nê wan-tom pɛ Jésus-Christ ka gbɛngsi tɛ swe fɛt ha gɔa Sɔ hazu ɛnɛ nde, sila ɛnɛ adon lɛtɛtɛ nɛ mɛkaramɔ ka lɛma wɛɛ, nɛ nde, ɛnɛ ade mɔ ka Sɔ ngoya ha mɔ fɛt.

2 Korente 13:9

Ɔ nɛ totɛ ka ɔ dung nɛ mɔkaa, nɛ ka ɛnɛ dung nɛ ngaya. Mɛgi, ɔ gɔ Sɔ tuka nde, ɛnɛ alɛm fin wɛɛ nɛ mbinga.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

Efeze 3:1

Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.

Matthieu 5:47

Nɛ ka ɛnɛ fan sɔna nɛ hio ya ɛnɛ, ɛnɛ de nɛ nge zengem mɔ ge? Hazu hio *bhilo ha dea fin gbesi.