Matthieu 5:16 - Takarata pɛ Sɔ Mbombe Mbon

¹⁶ Mɛgi, dea nde, saamɔ pɛ ɛnɛ aba ha li hio wi fɛt tuka nde, mbwa azɔk dede deamɔ pɛ ɛnɛ, nɛ mbwa alukisi Bafa ɛnɛ ka dung ha kuso ngɔn.»

Matthieu 5:16 Referans Kwoze

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

Tite 2:7

ha deamɔ pɛ mbwa fɛt. Pɛ mɛ, lɛma nde, ha zang mɔ fɛt, hio olo wi azɔk hio dede deamɔ pɛ mɛ hazu de nɛ pɛ mbwa. Wal ka mɛ osi nɛ mɔ adung nɛ zioa nɛ kpasa ha li wi.

Jean 15:8

Ka ɛnɛ nê hio kpasa *wan-yambimɔ pɔm, ɛnɛ way dɔka waya. Yo nê mɛgi, ka ɛnɛ gbasi *lɛkɛ-lɛkɛmɔ pɛ Bafa mi ha hio wi.

Efeze 5:8

Sɔngsi, ɛnɛ badung ha zang tutum. Ma, sising, nɛ wal dea sɔy hinɛ *Kongawan, ɛnɛ dung ha zang saamɔ. Mɛgi, dea nde, ɛnɛ ade mɔ tuka wi ka dung ha zang saamɔ.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.

1 Pierre 4:14

Ka hio wi ya ɛnɛ hazu ɛnɛ nê wi pɛ Christ, dea nde, ɛnɛ ade totɛ, hazu ha ngimɔ ɛngɛ *Nzɔy-Sɔtɛ pɛ Sɔ ka dung nɛ ngaya pen mɔ fɛt, bedung hinɛ ɛnɛ.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

Tite 3:14

Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

2 Korente 9:13

Tom haa mɔ ɛngɛ begbasi long nde, ɛnɛ nɛ mboazu ha li Sɔ. Hio wi pɛ Sɔ ha Jérusalem belukisi Sɔ hazu ɛnɛ zea nu wa nɛ de mɔ lɛm nɛ *Dede Wen pɛ Christ. Mbwa belukisi wɛnɛ fin hazu ɛnɛ kapana mɔ nɛ dede sila hinɛ mbwa nɛ hinɛ hio olo wi pɛ Sɔ fɛt.

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.

Hebro 10:24

Ɔ azɔk wal pɛ may, nɛ ɔ aha da ha may mɛ ngoy may nɛ mɛ de dedemɔ.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

1 Tesalonike 2:12

Ɔ dungɔ mɛ mbo ɛnɛ, mɛ ha da ha ɛnɛ, nɛ mɛ alnu ha ɛnɛ nde, ɛnɛ ade mɔ ka lɛma nɛ mɔ ka Sɔ ngoya. Wɛnɛ saa ɛnɛ mɛ le ha Kongakandɔ pɛa nɛ ha *lɛkɛ-lɛkɛmɔ pɛa.

1 Pierre 3:1

Ɛnɛ hio bhoko fin, dea nde, ɛnɛ aze nu hio wei pɛ ɛnɛ. Ka deamɔ pɛ ɛnɛ nɛdedea, hio wei pɛ ɛnɛ ndɔng ka ze wen pɛ Sɔ na, bekifiri sila mbwa, ngase ka ɛnɛ tɛ bul ka ma wen ha mbwa na.

Deamɔ 9:36

Ma *wan-yambimɔ bhoko dungɔ ang ha Zope, ling wa nde, Tabita. Ling ɛngɛ tɔ nɛ nu greke nde, Dorkas, gotoa nde, dɛngbɛ. Wɛnɛ dea dedemɔ swe fɛt nɛ a gbakara hio fabha wi.

1 Timothée 5:25

Yo fin gbesi nɛ hio dede tom. Pɛ hio ma wi, dede tom pɛ mbwa gboa long. Nɛ pɛ hio ma, dede tom pɛ mbwa tɛ gbo ka na. Ma, yo lɛm bhɔn nɛ wuso kpoo na.

Matthieu 5:45

Ka ɛnɛ de mɛgi, ɛnɛ bedung nê bem pɛ Bafa ɛnɛ ka dung ha zang ngɔn. Hazu wɛnɛ ha dea nde, swe aba ha zu dede wi nɛ ha zu gdanga wi fɛt gbesi, nɛ nde, kolo aɔl ha zu *nzeng wi nɛ ha zu *kalbho-kalbho wi fɛt gbesi.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

1 Timothée 5:10

Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

1 Timothée 2:10

Ma, mbwa ade hio dede tom, ka lɛma nɛ hio bhoko ka tɔ nde, mbwa ha yuo ke Sɔ.

Galasi 1:24

Mɛgi, mbwa lukoso Sɔ hazu mi.

Tite 3:4

Ma, Sɔ, *Wan-kpasisi ɔ, gbasa mɔ long nde, wɛnɛ ngoya hio wi, nɛ wɛnɛ ngoy de dedemɔ ha tɛ mbwa.

1 Korente 14:25

Mɛgi, hio mɔ ka dung nɛ wuso ha zang sila wa begbo long. A betek gɔk li ha nu, nɛ a belukisi Sɔ nɛ gbasi nde, kpasawen, Sɔ ha soko ɛnɛ.

Dede Wen hazu Jésus-Christ ka Luc ngɛraka 11:2

Jésus tɔa ha mbwa: «Ka ɛnɛ gɔ Sɔ, ɛnɛ tɔ mɛgɛ: Bafa, ling mɛ adung nɛ nzɔya. Kongakandɔ pɛ mɛ atɛ.

Matthieu 9:8

Ke baa wi fɛt ka zɔka mɔ ɛngɛ. Nɛ mbwa lukoso Sɔ ka haa ziomɔ tuka ɛngɛ ha hio wi.

Matthieu 23:5

Nɛ mbwa de mɔ fɛt nɛ peali tuka nde, hio wi fɛt azɔk nɛ mbwa. Ha ngimɔ gɔa Sɔ mbwa hɛl bebe gogong, ka ɛ gdea ma ngɛraka wen pɛ Sɔ ha zanga, ha bhaka nɛ ha zuli mbwa, gbesi tuka olo wi fɛt. Ma, gogong pɛ mbwa nɛ gasa pen pɛ hio oloa. Nɛ gbesi, hio ngbunzɛ-ngbunzɛ mɔ nu la pɛ mbwa nɛ bɔyaa pen pɛ hio oloa.

Matthieu 6:16

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari.

Matthieu 23:9

Ka ɛnɛ asa ma wi ndang ha zu nu nde, bafa mi, na. Hazu bafa ɛnɛ nê Sɔ ka dung ha zang ngɔn ndang sɔna.

Matthieu 6:9

Dea nde, ɛnɛ agɔ Sɔ mɛgɛ: ‹Bafa ɔ ka dung ha zang ngɔn, ling mɛ adung nɛ nzɔya,