Matthieu 4:11 - Takarata pɛ Sɔ Mbombe Mbon

¹¹ Hapata Satan laka wɛnɛ gde. Nɛ hio telenge hɔa nɛ dea tom ha Jésus.

Matthieu 4:11 Referans Kwoze

Matthieu 26:53

Mi lɛma sa Bafa mi, nɛ wɛnɛ betomsi nɛhasa zugili *telenge pen bhukɔ gbala bwa hazu gbakiri mi. Mɛ ingɔ yo nde?

Hebro 1:14

Mɛgi, hio telenge nê o? Mbwa sɔna nê hio sɔtɛ ka de tom ha Sɔ, nɛ ka Sɔ tomsi nɛ nɛ gbakiri wi ndɔng ka wɛnɛ ngoy mɛ kpasisi mbwa.

Dede Wen hazu Jésus-Christ ka Luc ngɛraka 22:43

Ma *telenge mɔ ngɔn gbasa tɛ ha wɛnɛ mɛ ha da ha wɛnɛ.

Dede Wen hazu Jésus-Christ ka Luc ngɛraka 4:13

Hapata ka Satan wea sila wa nɛ wal nɛtɛ-nɛtɛ gan, a laka wɛnɛ gde pen, kanɛ ma ngimɔ.

Hebro 1:6

Ma, ha ngimɔ ka Sɔ tɛ bo sanga mɛ tomsi kay Bewei pɛa nɛ ha nzan, a batɔ nde: «Hio telenge pɛ Sɔ fɛt alukisi wɛnɛ.»

Jean 14:30

Mi lɛm fin wolmɔ hinɛ ɛnɛ nɛting na, hazu wan-le nzan ha tɛa. Wɛnɛ bo nɛ ma ngaya mɛ gan zu mi ndang na.

Dede Wen hazu Jésus-Christ ka Luc ngɛraka 22:53

Mi dungɔ swe fɛt hinɛ ɛnɛ ha gasa twa Sɔ, nɛ ɛnɛ tɛ yafifi kɔ ɛnɛ sungiri mi na. Ma, sising ngimɔ pɛ ɛnɛ hɔa. Yo nê ngimɔ pɛ ngatɛ mɔ tutum.»

Marc 1:13

A dungɔ yala bhukɔa nar ha kpɛnu, nɛ Satan wea sila wa. A dungɔ ha soko hio sari bɛlɛ nɛ hio *telenge dea tom ha wɛnɛ.

Matthieu 4:6

Nɛ wɛnɛ tɔa ha Jésus: «Ka mɛ nê Bewei pɛ Sɔ, mɛ bhil tek ha nu. Hazu takarata pɛ Sɔ tɔa nde, Sɔ beha nu ha hio *telenge pɛa mɛ gde kɔ ha si mɛ nde, mɛ akɔ nanga mɛ ha ta na.»

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.