Matthieu 3:12 - Takarata pɛ Sɔ Mbombe Mbon

¹² Wɛnɛ tɛ bo sanga mɛ pɛfi kpalmɔ pɛa. Hapata a besasisi bhandi pɛfi mɔ. A bewesiri hongbongbo kpalmɔ gde ha zang gulo, nɛ a bebesisi sara ha we ka bisi na.»

Matthieu 3:12 Referans Kwoze

Matthieu 13:30

Ɛnɛ gde mbwa akpɔtɛ gbesi kanɛ ngimɔ bhi kpalmɔ. Ha ngimɔ ɛngi, mi betɔ ha hio wan-bhi kpalmɔ nde, mbwa awesiri gdanga pala sɔngsi, nɛ hɛl yo nɛ zika hazu besisi yo. Hapata, mbwa bewesiri dede kpalmɔ gde ha zang gulo pɔm.›»

Dede Wen hazu Jésus-Christ ka Luc ngɛraka 3:17

Wɛnɛ tɛ bo sanga mɛ pɛfi kpalmɔ pɛa. Hapata a besasisi bhandi pɛfi mɔ. Nɛ wɛnɛ bewesiri hongbongbo kpalmɔ gde ha zang gulo nɛ a bebesisi sara ha we ka bisi na.»

Matthieu 13:41

Mi, Bewei pɛ Wi, betomsi hio telenge pɔm, nɛ mbwa bewesiri mɔ ka dak wi pi ha dea gdangamɔ nɛ hio *wan-de gdangamɔ fɛt gbosisi ha Kongakandɔ pɔm.

Jean 15:2

Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Matthieu 13:43

Ma, hio *nzeng wi beba gbesi tuka swe ha zang Kongakandɔ pɛ Bafa mbwa. Wi ka bo nɛ zala mɛ ze mɔ, wɛnɛ aze.»

Matthieu 13:42

Nɛ hio telenge bepi mbwa ha gbaguru we. Haki mbwa behe kwa nɛ yɔng nzata.

Dede Wen hazu Jésus-Christ ka Luc ngɛraka 3:16

Ma, Jean tɔa ha mbwa: «Pɔm, mi gdumsi nɛ ɛnɛ ha li. Ma wi kɛ ka betɛ ha pata mi, wɛnɛ nɛ gasaa pen mi. Mi bo nɛ zioa hazu bul pɛl nakala pɛa na. A begdumsi ɛnɛ ha zang *Nzɔy-Sɔtɛ nɛ ha zang we.