Matthieu 27:54 - Takarata pɛ Sɔ Mbombe Mbon

⁵⁴ Kagama-bulo nɛ hio wan-bibulo ka pɛma Jésus zɔka yaka nu nɛ mɔ fɛt ka hɔa. Mɛgi gasa ke baa mbwa, nɛ mbwa tɔa: «Kpasawen, wi kɛ dungɔ nê *Bewei pɛ Sɔ.»

Matthieu 27:54 Referans Kwoze

Marc 15:39

Ma kagama-bulo dungɔ haki tan nɛ li Jésus. Ka wɛnɛ mbara mɔ ka Jésus dea mɛ fe nɛ, a tɔa: «Oee, wi kɛ dungɔ nê *Bewei pɛ Sɔ, kpasawen wa!»

Matthieu 27:36

Hapata mbwa dungɔnu nɛ pɛm wɛnɛ.

Matthieu 27:43

A gdea tazu wa fɛt ha tɛ Sɔ. A tɔa nde, wɛnɛ nê Bewei pɛ Sɔ. Mɛgi ka Sɔ ngoya wɛnɛ, Sɔ akpasisi wɛnɛ sising.»

Deamɔ 27:43

Ma, kagama-bulo ngoya kpasisi Paul. Mɛgi, a dolsa mbwa mɛ de tuka mbwa bheka. Nɛ a haa nu nde, wi ndɔng ka ingɔ bhɔsa li, akperi tek ha li hazu nɛ ha nu bɛlɛ nɛ bosia,

Deamɔ 27:1

Ka Festus bhɔngara wen mɛ tomsi ɔ ha kandɔnu Itali nɛ kuga kari, a kuo Paul nɛ hio ma mbing wan-zɔbhɔ gde ha kɔ ma kagama-bulo, ling wa nde, Yulius. Ɛ sa ling zugili pɛa nde, zugili bulo pɛ *kongapora Sezar.

Deamɔ 23:23

Gasa kagama-bulo saa kagama-bulo bwa nɛ a tɔa ha mbwa: «Ɛnɛ wesiri hio wan-bibulo gɔmmay bwa, nɛ hio wan-dang yanga bhukɔa mɔrkɔ zu bhuze bwa, nɛ hio wan-sɛ gɔmmay bwa. Ɛnɛ fɛt abhɔngiri tɛ ɛnɛ mɛ pen nɛ ha le Sezare nɛ zɛ mɛsɛ ha ngonga mɔrkɔ zanga nar.

Deamɔ 21:32

Sising, wɛnɛ kaya hio ma kagama-bulo hinɛ hio wan-bibulo nɛ sɔawi nɛ ha pɛ giliwi. Ka hio giliwi zɔka wɛnɛ nɛ hio wan-bibulo, mbwa laka mɛla Paul gde.

Matthieu 8:5

Nɛ ka Jésus ha lea ha Kapernaum, ma kagama-bulo mɔ kandɔnu Rome tɛa, tɛ lokitɛ ha wɛnɛ,

Matthieu 4:3

Satan tiko nɛ hapɛtɛ Jésus nɛ tɔa: «Ka mɛ nê *Bewei pɛ Sɔ, mɛ ha nu ha ta ndɔng akifi mampa.»

Gbasamɔ 11:13

Ha ndangtɛ ngimɔ ɛngi, nu yaka nɛngaya. Yo gbaa soko gasa le ɛngɛ bhukɔ, nɛ yo gbinɔ ma bhalkɔa ndang ha sokoa. Nɛ hio wi tomay mɔrkɔ zanga bwa fea ha yo. Gasa ke dona sila hio olo wi, nɛ mbwa lukoso Sɔ ka dung ha zang ngɔn.

Rome 1:4

Sɔ guo wɛnɛ ha soko hio fiowi nɛ wal *Nzɔy-Sɔtɛ. Ɛngi gbasi nde, wɛnɛ nê *Bewei pɛ Sɔ ka dung nɛ ziomɔ.

Deamɔ 23:17

Ka Paul zea mɛgi, a saa ma kagama-bulo nɛ tɔa ha wɛnɛ: «Mɛ ku pɔlɔmbɔ wei ɛngɛ nɛnɛ ha pɛ gasa kagama-bulo. Wɛnɛ nɛ ma wen mɛ tɔ ha wɛnɛ.»

Deamɔ 10:1

Ma wei dungɔ ha Sezare, ling wa nde, Korneille. Wɛnɛ nê kagama ha zu hio wan-bibulo gɔmmay. Ɛ sa ling zugili pɛ mbwa nde, zugili bulo mɔ kandɔnu Itali.

Deamɔ 2:37

Ka hio wi zea wen ndɔng, gasa ngɔtɛ baa mbwa, nɛ mbwa ana Pierre nɛ hio olo wan-nɛtom: «Hio ya ɔ, ɔ bede mɛng?»

Jean 19:7

Mɛgi, hio zuife kiforo wen ha wɛnɛ: «*Mbonga pɛ ɔ tɔa nde, a lɛma nɛ fio, hazu a tɔa nde, wɛnɛ nê *Bewei pɛ Sɔ.»

Dede Wen hazu Jésus-Christ ka Luc ngɛraka 22:70

Nɛ mbwa fɛt ana wɛnɛ fin: «Mɛgi, mɛ tɔ nde, mɛ nê *Bewei pɛ Sɔ nde?» Nɛ wɛnɛ tɔa ha mbwa: «Ɛnɛ tɔa yo nɛ tɛ ɛnɛ. Mi nê Bewei pɛ Sɔ.»

Matthieu 27:40

mbwa tɔa: «Yiss! Mɛ ka batɔ nde, mɛ begbin *gasa twa Sɔ, nɛ mɛ bebhɔngiri yo ha zang yala tar, mɛ kpasisi tɛ mɛ nɛ pɛ mɛ tɛ. Ka mɛ nê *Bewei pɛ Sɔ, mɛ zil ha getakate!»

Matthieu 26:63

Ma, Jésus dungɔ sɛm. Mɛgi wan-zu hio wan-hasadaka tɔa ha wɛnɛ: «Mi ani mɛ nɛ ling tunɔ Sɔ, mɛ tɔ ha ɔ ka mɛ nê *Mesi, *Bewei pɛ Sɔ.»

Matthieu 27:51

Ha ndangtɛ ngimɔ, la gɔn soko *gasa twa Sɔ ka gɛ ha li nzɔy bhandi fɛt, gbaa soko bwa angiri ha ngɔn gbo ha nu. Nɛ nu yaka nɛ hio gogo gbaa.