Matthieu 26:24 - Takarata pɛ Sɔ Mbombe Mbon

²⁴ Mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ Wi. Ɛ abhɛ se wɛnɛ na, ki dea se!»

Matthieu 26:24 Referans Kwoze

Dede Wen hazu Jésus-Christ ka Luc ngɛraka 24:46

Nɛ a tɔa ha mbwa: «Ɛ ngɛraka ha zang takarata pɛ Sɔ nde, *Mesi bekpa yeksamɔ nɛdɔka kanɛ fio. Nɛ hapata zetar yala, a begutɛ ha soko hio fiowi.

Matthieu 18:7

Yo nê gasa ngɔtɛ ha hio wi mɔ nzan, hazu hio mɔ ang ka lɛma daka mbwa pi ha dea gdangamɔ. Ɛ lɛm dol yo na. Ma, ngɔtɛ ha wi ka ku mɔ mɛgi tɛnɛ!

1 Korente 15:3

Osamɔ ka mi bakpa sɔngsi, nɛ ka dung nê gasa osamɔ pen fɛt, mi osa yo ha ɛnɛ kari, yo nde: Christ fea gɔn nɛ zu *sɛmbɔ pɛ ɔ tuka Sɔ batɔ ha takarata pɛa,

Jean 17:12

Ha ngimɔ ka mi dungɔ hakɛ ha nzan, mi pama mbwa nɛ wal ziomɔ pɛ ling mɛ ka mɛ haa ha mi. Mi pama mbwa, nɛ ma ndang tɛ yɔ mɔ na, kanɛ wi kɛ ka ɛ bangɛriki se wen pɛa ha zang takarata pɛ mɛ nde, a beyɔmɔ. Mɛgi, wen ɛngi lɛmsara tɛ.

Dede Wen hazu Jésus-Christ ka Luc ngɛraka 22:22

Kpasawen, mi, *Bewei pɛ Wi, befe tuka ka Sɔ bhɔngara. Ma, ngɔtɛ ha wi ka beha kasatɛ mi.»

Marc 14:21

Ey, mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ wi. Ɛ abhɛ se wɛnɛ na, ki dea se!»

Matthieu 26:54

Ma, ka Sɔ de mɛgi, ki takarata pɛ Sɔ ka tɔa nde, mɔ behɔ mɛgi, belɛmsiri tɛ mɛng?»

Marc 9:12

Wɛnɛ kiforo wen ha mbwa: «Tɛwen, wɛnɛ betɛ sɔngsi hazu bhɔngiri mɔ fɛt nɛ wala. Ma hazu ge, takarata pɛ Sɔ tɔa fin nde, Bewei pɛ Wi bekpa yimtɛ nɛdɔka, nɛ ɛ bezɔk wɛnɛ tuka ngbundumɔ, ge nde?

Matthieu 26:56

Ma, yo fɛt hɔa mɛgi, tuka nde, mɔ ka hio *wan-tɔkuliwen bangɛriki ha zang takarata pɛ Sɔ alɛmsiri tɛ.» Mɛgi, hio wan-yambimɔ fɛt yuo mɔ pen lak Jésus gde.

Deamɔ 28:23

Nɛ ka yala ka mbwa baweki ha Paul lɛma kari, mbwa tɛa ha twa pɛa nɛdɔka pen mɔ sɔngsi. A bulo wen *Kongakandɔ pɛ Sɔ ha mbwa, nɛ a kio wal mɛ gan zu mbwa nde, mbwa amɛkiri Jésus. A osa mɔ nɛ sutole kanɛ zɛ nɛ wal tɔla hio ma ngɛrakamɔ ha zang *mbonga pɛ Moïse nɛ ha zang takarata pɛ hio *wan-tɔkuliwen.

Deamɔ 4:28

Mɛgi, mbwa lɛmsara hio mɔ fɛt, ka mɛ babhɔngiri sɔngsi nɛ wal ngatɛ pɛ mɛ. Mɛ ngoya nde, mɔ ahɔ tuka ɛngɛ.

Deamɔ 2:23

Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Jean 19:28

Hapata, Jésus ingɔ nde, a karsa tom pɛa ha nzan kari. Ma, hazu lɛmsiri nɛ wen fɛt ha zang takarata pɛ Sɔ, a tɔa: «Wɔ li ha dea mi.»

Jean 19:24

Mɛgi, mbwa tɔa ha soko may: «Ɔ gba soko gasa la ɛngɛ na. Ma, ɔ de yo nɛ mbela hazu zɔk wi ka beku yo.» Mɔ hɔa mɛgi hazu lɛmsiri nɛ wen ɛngɛ ha zang takarata pɛ Sɔ: «Mbwa kapana hio latɛ pɔm ha soko may, nɛ mbwa kuo gasa la pɔm de nɛ mbela.» Ɛngi nê mɔ ka hio wan-bibulo dea.

Matthieu 26:31

Hapata Jésus tɔa ha hio *wan-yambimɔ pɛa: «Ha zɛ ɛngɛ, ɛnɛ fɛt belak mi gde, hazu Sɔ tɔa ha zang takarata pɛa: ‹Mi begbɛ zaoro sami nɛ zugili sami bepanziki.›