Matthieu 26:18 - Takarata pɛ Sɔ Mbombe Mbon

¹⁸ A osa ling ma wei ha mbwa nɛ tɔa: «Ɛnɛ nɛ ha gasa le ha pɛ wei kɛ nɛ tɔ ha wɛnɛ nde, wan-osimɔ tɔa: ‹Ngimɔ pɔm koka kari, nɛ mi ngoy mɛ yɔng mɔ yenga Pake hinɛ hio wan-yambimɔ pɔm ha bhandi pɛ mɛ.›»

Matthieu 26:18 Referans Kwoze

Jean 7:6

Mɛgi, Jésus tɔa ha mbwa: «Ngimɔ pɔm tɛ hɔ ka na. Ma, pɛ ɛnɛ, ngimɔ fɛt lɛma mɛ nɛ haki.

Jean 17:1

Ka Jésus tɔa wen ndɔng fɛt kari, a guo li ha ngɔn nɛ a tɔa: «Bafa mi, ngimɔ lɛma kari. Mɛ gbasi *lɛkɛ-lɛkɛmɔ pɔm, Bewei pɛ mɛ, ha hio wi tuka nde, mi agbasi lɛkɛ-lɛkɛmɔ pɛ mɛ ha mbwa fin.

Jean 13:1

Ha gangli yenga *Pake, Jésus ingɔ nde, a tɛ bo sanga-sanga mɛ lak nu ɛngɛ gde, hazu kifiri si ha pɛ Bafa wa. Swe fɛt wɛnɛ ngoya hio wi pɛa ha nzan, nɛ sising a gbasi nde, a ngoya mbwa wɛ ɛ.

Jean 7:30

Mɛgi, mbwa dungɔ ha kio wal mɛ ba wɛnɛ. Ma, ma wi ndang tɛ gde kɔ ha tɛ wa na. Hazu ngimɔ pɛa tɛ lɛm ka na.

Jean 7:8

Ɛnɛ nɛ ha yenga ɛngɛ. Ka bo nê mi, mi lɛm nɛ ha yenga na, hazu ngimɔ pɔm tɛ hɔ ka na.»

Jean 12:23

Jésus kiforo wen ha mbwa: «Ngimɔ ka Sɔ beha nɛ *lɛkɛ-lɛkɛmɔ ha mi, *Bewei pɛ Wi, yo lɛma kari.

Dede Wen hazu Jésus-Christ ka Luc ngɛraka 22:53

Mi dungɔ swe fɛt hinɛ ɛnɛ ha gasa twa Sɔ, nɛ ɛnɛ tɛ yafifi kɔ ɛnɛ sungiri mi na. Ma, sising ngimɔ pɛ ɛnɛ hɔa. Yo nê ngimɔ pɛ ngatɛ mɔ tutum.»

Jean 11:28

Ka Marthe wolamɔ hinɛ Jésus kari, a pena nɛ, nɛ sa ya wa, Marie. A tɔa ha wɛnɛ nɛ wuso: «Wan-osimɔ hɔa, nɛ wɛnɛ saa mɛ.»

Marc 5:35

Nɛ ka Jésus bo ka ha wolamɔ, hio ma wi mɛ twa pɛ Yairus, wan-zu twa gɔ Sɔ, hɔa tɛ tɔ ha Yairus: «Bem pɛ mɛ gaa kari. Mɛ yeksi wan-osimɔ fin na.»

Matthieu 26:2

«Ɛnɛ ingɔ nde, ha zang yala bwa, yenga *Pake behɔ. Ha ngimɔ ɛngi, ɛ begde mi, *Bewei pɛ Wi, ha kɔ hio wi hazu ngba mi ha getakate.»

Matthieu 23:10

Ka ma wi asa ɛnɛ nde, wan-osimɔ, na. Hazu wan-osimɔ pɛ ɛnɛ nê *Mesi ndang sɔna.

Matthieu 23:8

«Ma, pɛ ɛnɛ, ka ɛ asa ɛnɛ nde, wan-osimɔ, na. Hazu wan-osimɔ pɛ ɛnɛ ndang sɔna. Nɛ ɛnɛ fɛt nê hio gdiya.

Matthieu 21:3

Ka ma wi tɔ ma wen ha ɛnɛ, ɛnɛ tɔ nde, *Kongawan ngoya mbwa. Mɛgi ɛ beha wal ha ɛnɛ mɛ ku mbwa pen nɛ.»

Jean 20:16

Jésus tɔa: «Marie!» Nɛ Marie kiforo tɛ zɔk wɛnɛ nɛ tɔa nɛ nu *Hebro: «Rabuni!» Ɛngɛ tɔ nde, wan-osimɔ.

Matthieu 26:49

Mɛgi Judas tiko nɛhasa tɛ ha pɛ Jésus nɛ tɔa: «Wolmɔe, wan-osimɔ!» Nɛ a duyo mbuku wa.

Matthieu 26:19

Nɛ hio wan-yambimɔ dea mɔ tuka Jésus haa nua ha mbwa. Nɛ mbwa gio yɔngamɔ mɔ yenga Pake.