Matthieu 25:36 - Takarata pɛ Sɔ Mbombe Mbon

³⁶ Mi dungɔ nɛ sɔngɛrɛ, nɛ ɛnɛ yola la ha tɛ mi. Mi dungɔ nɛ zɛlɛ, nɛ ɛnɛ tɛa tɛ pam mi. Mi dungɔ ha twa zɔbhɔ, nɛ ɛnɛ tɛa tɛ zɔk mi.›

Matthieu 25:36 Referans Kwoze

Jacques 1:27

Wi ka ngoy de kpasa nɛ nzeng tom ha li Sɔ, Bafa ɔ, lɛma nde, wɛnɛ apam hio begula nɛ hio nagula ha zang yeksamɔ, nɛ wɛnɛ akafi mɛ de hio gdangamɔ pɛ nzan.

Hebro 13:3

Tazu ɛnɛ agba nɛ hio wan-zɔbhɔ tuka ɛnɛ ha twa zɔbhɔ hinɛ mbwa gbesi. Hio wi ndɔng ka kpa yukotomɔ, tazu ɛnɛ agba nɛ mbwa tuka ɛnɛ ha kpaa yukotomɔ hinɛ mbwa gbesi.

Hebro 10:34

Ɛnɛ bade sɔy ha ngɔtɛ pɛ hio wan-zɔbhɔ. Nɛ ka ɛ bakay toy pɛ ɛnɛ pen nɛnɛ, ɛnɛ badung nɛ totɛ hapata, hazu ɛnɛ ingɔ nde, ɛnɛ nɛ ma kpaamɔ ka dung nɛdedea pentɛ, nɛ ka bebhɔn kpoo.

Deamɔ 20:35

Nɛ wal mɔ ndɔng fɛt, mi osa ha ɛnɛ nde, ɔ ade tom mɛgi hazu gbakiri hio wan-kɔsa. Tazu ɔ agba nɛ wen ɛngɛ ka Kongawan Jésus batɔ: ‹Haa mɔ ha ma wi nɛ dedea pen kpaa mɔ ha kɔ ma wi.›»

Dede Wen hazu Jésus-Christ ka Luc ngɛraka 3:11

A kiforo wen ha mbwa: «Ka ma wi nɛ latɛ bwa, wɛnɛ aha ma ha wi kɛ ka bo nɛ yo na. Nɛ ka ma wi nɛ yɔngamɔ, wɛnɛ akapini ma ha wi kɛ ka bo nɛ yo na.»

Matthieu 25:43

Mi dungɔ gɔn-gɛnɛ wi, nɛ ɛnɛ tɛ ba mi nɛ dede kɔ na. Mi dungɔ nɛ sɔngɛrɛ, nɛ ɛnɛ tɛ yol la ha tɛ mi na. Mi dungɔ nɛ zɛlɛ nɛ ha twa zɔbhɔ, nɛ ɛnɛ tɛ tɛ zɔk mi na.›

Matthieu 25:37

Mɛgi hio *nzeng wi bekifiri wen ha mi: ‹Kongawan, ɔ zɔka mɛ nɛ wɔ, nɛ ɔ ha mɛ yɔngamɔ ha nge ngimɔ ge nde? Mana nɛ wɔ li, nɛ ɔ haa mɛ li mɛ nɔ ha nge ngimɔ ge nde?