Matthieu 25:12 - Takarata pɛ Sɔ Mbombe Mbon

¹² Ma, a kiforo wen: ‹Kpasawen, mi tɔ ha ɛnɛ nde, mi ing ɛnɛ na.›

Matthieu 25:12 Referans Kwoze

1 Korente 8:3

Ma, wi ka ngoya Sɔ, yo nê Sɔ ka ingɔ wɛnɛ.

2 Timothée 2:19

Ma, tɛwen pɛ Sɔ dung tuka nga nanga twa ka ɛ gɔna ha tɛa nde, «*Kongawan ingɔ hio wi pɛa», nɛ nde, «Hio wi fɛt ka sa ling Kongawan hazu dung nê pɛa, mbwa alak dea gdangamɔ gde.»

Jean 10:27

Hio wi pɔm ha zea gɛl mi gbesi tuka ka hio sami ze nɛ gɛl zaoro mbwa. Mi ingɔ mbwa nɛ mbwa ha ndara mi.

Jean 9:31

Ɔ hinɛ ɛnɛ, ɔ ingɔ nde, Sɔ ze gɔamɔ pɛ wan-de gdangamɔ na. Ma, a ze nɛ gɔamɔ pɛ wi ka ze nu wa, nɛ ka de mɔ ka sila wa ngoya.

Galasi 4:9

Sising ɛnɛ ingɔ Sɔ kari, mɛ tɔ tɛwen, yo nê Sɔ ha ing ɛnɛ kari. Ma, ɛnɛ de mɛng mɛ kifiri fin tɛ tɛ dung ha si hio mɔka gbele sɔtɛ ndɔng, ge nde? Hazu ge, ɛnɛ ngoy de tom tuka bala ha mbwa fin nɛ mbinga, ge nde?

Matthieu 25:11

«Hapata, hio yera bhoko kiforo tɛ, tɛ gdɔri ha nutwa: ‹*Kongawan, Kongawan, gbosisi nutwa ha ɔ wa!›

Matthieu 25:13

«Mɛgi ɛnɛ dung nɛ zɔma. Hazu ɛnɛ ing yala nɛ ngonga ka mi, *Bewei pɛ Wi betɛ nɛ na.»

Dede Wen hazu Jésus-Christ ka Luc ngɛraka 13:25

«Hapata ka wan-twa begutɛ gdɔki nutwa nɛ sɔtɛ, mɔ kara kari. Ɛnɛ bebhɔn bin ha dɛl ha kɔna nutwa, nɛ tɔa: ‹Wan pɛ ɔ, mɛ gbosisi ha ɔ!› Ma, a betɔ ha ɛnɛ: ‹Mi ing ɛnɛ na!›