Matthieu 24:47 - Takarata pɛ Sɔ Mbombe Mbon

⁴⁷ Kpasawen, mi tɔ ha ɛnɛ nde, a begde wan-tom ɛngɛ ha zu kpaamɔ pɛa fɛt.

Matthieu 24:47 Referans Kwoze

Matthieu 25:23

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

Matthieu 25:21

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›

Dede Wen hazu Jésus-Christ ka Luc ngɛraka 12:37

Totɛ ha hio wan-tom, ka wan pɛ mbwa bepe tɛ kpa li mbwa ngɛlɛlɛ. Kpasawen, mi tɔ ha ɛnɛ nde, a beyol la tom pɛa, a begde mbwa hapɛtɛ tabolo, nɛ wɛnɛ nɛ pɛa tɛ beha yɔngamɔ ha mbwa.

Dede Wen hazu Jésus-Christ ka Luc ngɛraka 12:44

Mi tɔ ha ɛnɛ nde, a begde wan-tom ɛngɛ ha zu kpaamɔ pɛa fɛt.

Gbasamɔ 21:7

Mi bekapini hio mɔ ndɔng ha hio wi fɛt ka gana zu mɔ. Nɛ mi bedung nê Sɔ pɛ mbwa, nɛ mbwa bedung nê hio bem pɔm.

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Dede Wen hazu Jésus-Christ ka Luc ngɛraka 19:17

Kongapora tɔa ha wɛnɛ: ‹Nɛdedea, mɛ nê dede wan-tom. Mi begde mɛ ha zu le bhukɔ, hazu mɛ dungɔ nɛ mboazu ha bebe mɔ.›

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Matthieu 24:46

Totɛ ha wan-tom ɛngɛ ka wan pɛa bepe tɛ kpa wɛnɛ ha dea tom pɛa.

Matthieu 24:48

Ma, ka bo nê gdanga wan-tom, a betakiri ha sila wa nde, wan pɛa lɛm tɛ nɛhasa na.