Matthieu 24:4 - Takarata pɛ Sɔ Mbombe Mbon

⁴ Nɛ Jésus kiforo wen ha mbwa: «Ɛnɛ pangay, ka ma wi aosili ɛnɛ na.

Matthieu 24:4 Referans Kwoze

1 Jean 4:1

Hio ndɔngsila mi, hio wi ndɔng ka tɔ nde, *Nzɔy-Sɔtɛ ha tɛ mbwa, ka ɛnɛ amɛkiri mbwa fɛt na. Ma, ɛnɛ awe sɔtɛ ka dung ha tɛ mbwa hazu ing mana yo tɛ nɛ pɛ Sɔ. Hazu hio *wan-tɔkuliwen dalo dona nzan kari.

2 Tesalonike 2:3

Ka ma wi aosili ɛnɛ ndang na. Hazu, sɔngsi nde, swe ɛngɛ ahɔ, dɔka wi belak wal mɛkara Christ gde, nɛ Wan-kafi *mbonga begbasi tɛ ing. Ma, wɛnɛ bebhondi bin.

Kolose 2:8

Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

Efeze 5:6

Hio ma wi ha tɔa hio tum wen nde, ɛnɛ ade hio gdangamɔ ndɔng ki. Ka mbwa aosili ɛnɛ na! Yo nê hazu tili gdangamɔ ndɔng ka Sɔ de ngambi sungiri nɛ wi ndɔng ka ze nu wa na.

Marc 13:22

Hazu, ha ngimɔ ɛngi, hio wan-osili wi begbo nɛ mbwa betɔ: ‹Mi nê Mesi!› Mana mbwa betɔ: ‹Mi nê *wan-tɔkuliwen pɛ Sɔ.› Mbwa bede hio *mɔkifi nɛ hio *mɔweka, nɛ ka mbwa kpa wal, mbwa beosili nɛ hio wi ndɔng ka Sɔ weka.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

Dede Wen hazu Jésus-Christ ka Luc ngɛraka 21:8

Wɛnɛ tɔa ha mbwa: «Ɛnɛ pangay, ka ma wi aosili ɛnɛ na. Hazu dɔka wi betɛ nɛ ling mi, nɛ mbwa betɔ: ‹Mi nê *Mesi!› nɛ mbwa betɔ fin: ‹Kpogio ngimɔ koka kari!› Ka ɛnɛ andari mbwa na.

Kolose 2:18

Hio ma wi ha dea tom Sɔ nɛ wal zimɔ hio ma mɔ. Mbwa lukisi hio *telenge, nɛ mbwa ba hio lisɔ pɛ mbwa nɛ zioa. Ka ɛnɛ agde mbwa agɔn kita ha zu ɛnɛ na, hazu takaramɔ pɛ mbwa tɛ nɛ ndɔkitɛ mbwa, nɛ mbwa ha suotɛ nɛgbelea.

Galasi 6:3

Ka ma wi zɔk tɛ wa tuka zio wi, ma, wɛnɛ nê gele wi sɔna, a osala tɛ wa nɛ pɛa tɛ.