Matthieu 21:3 - Takarata pɛ Sɔ Mbombe Mbon

³ Ka ma wi tɔ ma wen ha ɛnɛ, ɛnɛ tɔ nde, *Kongawan ngoya mbwa. Mɛgi ɛ beha wal ha ɛnɛ mɛ ku mbwa pen nɛ.»

Matthieu 21:3 Referans Kwoze

Deamɔ 17:25

Mɔ ndang kɔpi wɛnɛ na. Mɛgi, hio wi lɛm ha wɛnɛ ma mɔ ndang na. Hazu yo nê wɛnɛ, ka ha tunɔ nɛ ɔmi ha hio wi, nɛ mɔ fɛt ka kɔpi mbwa.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

Jean 3:35

Sɔ, Bafa, ngoya Bewei pɛa. Mɛgi, a gdea mɔ fɛt ha kɔ Bewei pɛa.

Jean 17:2

Mɛ haa mi ziomɔ ha zu hio wi fɛt tuka nde, mi aha *tunɔ kpoo ha hio wi ndɔng ka mɛ gdea ha kɔ mi.

2 Korente 8:16

Ɔ lukisi Sɔ hazu wɛnɛ gdea hɛl ha sila Tite mɛ gbakiri ɛnɛ fin tuka ɔ ha dea.

Jacques 1:17

Dedemɔ nɛ mɔ fɛt, ka lɛma wɛɛ, gutɛ ha ngɔn. Yo nê Sɔ ha tomsi yo tɛnɛ. Wɛnɛ dea swe nɛ ze nɛ hio sɔla fɛt, ka yoloa bekpali nɛ tu. Ma, pɛa yo bo mɛgi ndang na.

Matthieu 21:2

«Ɛnɛ nɛ ha le ka dung ha li ɛnɛ. Haki ɛnɛ bekpa nana toyfok ha kpoa nɛ bea hapɛtɛ wa. Ɛnɛ bul mbwa tɛnɛ ha mi.

Matthieu 21:4

Mɔ ɛngɛ hɔa hazu lɛmsiri wen ka *wan-tɔkuliwen batɔ se: