Matthieu 19:8 - Takarata pɛ Sɔ Mbombe Mbon

⁸ Jésus kiforo wen: «Moïse haa wal ha ɛnɛ mɛ yangsi hio ko pɛ ɛnɛ hazu sila ɛnɛ nɛ ngaya. Ma, ha kudom mɔ, mɔ tɛ dung tuka ɛngi na.

Matthieu 19:8 Referans Kwoze

Marc 10:5

Nɛ Jésus tɔa ha mbwa: «Moïse ngɛraka mbonga ɛngɛ ha ɛnɛ, hazu sila ɛnɛ nɛngaya pentɛ.

1 Korente 7:6

Wen ɛngɛ ka mi ha tɔa, mi tɔ yo tuka *mbonga na, ma, tuka mbɔla sɔna.

Matthieu 8:31

Hio gdanga sɔtɛ ndɔng lokatɛ ha wɛnɛ nɛ tɔa: «Ka mɛ beyin ɔ, mɛ tomsi ɔ ha tɛ hio nguru ndɔng haki.»

Matthieu 3:15

Ma, Jésus kiforo wen ha wɛnɛ: «Ka mɛ atakiri tɛ sising na! Hazu dea nde, ɔ ade mɛgi mɛ lɛmsiri mɔ fɛt ka Sɔ ngoya.» Mɛgi Jean mɛkara wen pɛa,

Matthieu 19:7

Nɛ mbwa tɔa ha wɛnɛ: «Ka yo bo mɛgi, hazu ge Moïse haa nu nde, wei aha takarata yangsi may ha ko pɛa, sɔngsi yangsa wɛnɛ ge nde?»

Matthieu 19:9

Ma, mi tɔ ha ɛnɛ nde, ka ma wi yangsa ko pɛa ka tɛ de wanza na, nɛ wɛnɛ sio mbinga, a dea wanza.»

Marc 16:14

Hapata, Jésus gbasa tɛ ha hio wan-yambimɔ bhukɔ gbala ndang ha ngimɔ ka mbwa dungɔ ha yɔngamɔ. A sɛna wen ha mbwa, nɛ a tɔa: «Ɛnɛ si kafɛ hazu ge? Nɛ sila ɛnɛ dung gdang-ting hazu ge? Ɛnɛ tɛ mɛkiri wen pɛ wi ndɔng, ka zɔka mi hapata guotɛ pɔm na hazu ge?»