Matthieu 17:20 - Takarata pɛ Sɔ Mbombe Mbon

²⁰ Wɛnɛ kiforo wen ha mbwa: «Hazu ɛnɛ tɛ mɛkiri ka Sɔ nɛkpasa na. Kpasawen, mi tɔ ha ɛnɛ nde, ngase ka mɛkaramɔ pɛ ɛnɛ nɛ bebea tuka gbala sundu, ɛnɛ lɛma tɔ ha ngari ɛngɛ: ‹Gutɛ mɛ hakɛ, mɛ nɛ, nɛ yol haki,› nɛ yo bede gbesi. Nɛ ɛnɛ belɛm de mɔ fɛt. [

Matthieu 17:20 Referans Kwoze

Dede Wen hazu Jésus-Christ ka Luc ngɛraka 17:6

Nɛ Kongawan kiforo wen: «Ngase ka mɛkaramɔ pɛ ɛnɛ ha Sɔ nɛ bebea tuka gbala sundu, ki ɛnɛ lɛma tɔ ha te ɛngɛ: ‹Zuri ku mɛ nɛ tɛ mɛ, nɛ gun tɛ mɛ ha nana-litɔng!› Nɛ a beze nu ɛnɛ.»

Marc 11:23

Kpasawen, mi tɔ ha ɛnɛ, ka ma wi tɔ ha ngari ɛngɛ: ‹Gutɛ, mɛ nɛ, nɛ tek ha nana-litɔng!› Nɛ ka wia si kafɛ ha sila wa na, ma, ka wɛnɛ mɛkara Sɔ nde, wen pɛa belɛmsiri tɛ, mɛgi Sɔ beha yo ha wɛnɛ.

Dede Wen hazu Jésus-Christ ka Luc ngɛraka 18:27

Jésus kiforo wen: «Mɔ ka gana wi, lɛm gan Sɔ na.»

Dede Wen hazu Jésus-Christ ka Luc ngɛraka 1:37

Hazu ma mɔ ndang gan Sɔ na.»

Matthieu 21:21

Nɛ Jésus kiforo wen ha mbwa: «Kpasawen, mi tɔ ha ɛnɛ nde, ka ɛnɛ mɛkara Sɔ, nɛ ɛnɛ si kafɛ na, ɛnɛ lɛm de sɔna nɛ mɔ ka hɔa ha te fige ɛngɛ na, ma, ɛnɛ lɛm tɔ ha ngari ɛngɛ: ‹Gutɛ, mɛ nɛ, nɛ tek ha nana-litɔng!› Nɛ mɔ behɔ gbesi.

Marc 9:23

Jésus tɔa ha wɛnɛ: «Hazu ge mɛ tɔ ha mi nde, ka mi lɛma de ma mɔ? Wi kɛ ka mɛkiri Sɔ lɛma de mɔ fɛt.»

1 Korente 13:2

Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

Matthieu 13:31

Jésus tɔa ma mbing towen ha mbwa: «Kpɔatɛ pɛ *Kongakandɔ Ngɔn dung gbesi tuka gbala mutarde, ka ma wi pɛa ha fɔ pɛa.

Jean 11:40

Nɛ Jésus kiforo wen ha wɛnɛ: «Bo nɛ mi tɔa nde, ka mɛ mɛkiri mi, mɛ bezɔk *lɛkɛ-lɛkɛmɔ pɛ Sɔ, na nde?»

Marc 4:31

Mi ngoya tɔ ha ɛnɛ nde, yo gbesi tuka gbalamɔ ka ɛ sa nde, mutarde. Ka ɛ pɛa yo ha fɔ, yo nɛ bebea pen mbing gbalamɔ fɛt ha nzan.

Hebro 3:19

Mɛgi, ɔ zɔka nde, mbwa tɛ kpa wal mɛ le ha bhandi ɔmtɛ ɛngi na, hazu mbwa tɛ mɛkiri Sɔ na.

Matthieu 17:17

Jésus kiforo wen: «Ɛnɛ, hio gdanga wan-sikafɛ nɛ Sɔ! Mi beba sila mi mɛ dung hinɛ ɛnɛ kanɛ nge ngimɔ ge? Ɛnɛ ku wɛnɛ tɛnɛ ha mi.»

1 Korente 12:9

Nɛ ndangtɛ Sɔtɛ ɛngɛ ha ngatɛ ha ma wi mɛ mɛkiri Sɔ nɛkpasa, nɛ a ha ngatɛ ha ma mbinga mɛ karsi zɛlɛ ha tɛ wi.

Matthieu 17:9

Ka mbwa ha zilo ngari, Jésus haa nu ha mbwa: «Ka ɛnɛ atɔ wen mɔ, ka ɛnɛ zɔka ha ma wi ndang na, kanɛ ngimɔ ka mi, *Bewei pɛ Wi, guotɛ ha soko hio fiowi.»

Matthieu 8:26

Nɛ wɛnɛ ana mbwa: «Ɛnɛ yu ke hazu ge? Ɛnɛ mɛkiri Sɔ tikiring sɔna!» Mɛgi a guotɛ, nɛ a gaya gbabok nɛ li tɔ. Nɛ mɔ gaa selele.

Matthieu 17:19

Nɛ hio wan-yambimɔ tiko nɛ ha pɛ Jésus nɛ ana wɛnɛ: «Ma, ɔ tɛ lɛm yinɔ gdanga sɔtɛ ɛngɛ gbosisi na, hazu ge?»

Marc 11:22

Mɛgi, Jésus tɔa ha hio wan-yambimɔ pɛa: «Ɛnɛ amɛkiri Sɔ sɔna!

Matthieu 14:29

Jésus tɔa: «Mɛ tɛ wa!» Pierre gboa ha zang sɔngu, nɛ nɛ nɔ ha zu li ha pɛ Jésus.