Matthieu 16:20 - Takarata pɛ Sɔ Mbombe Mbon

²⁰ Hapata, a mboa nu hio wan-yambimɔ pɛa nɛngaya nde, ka mbwa atɔ nde, wɛnɛ nê Mesi, ha ma wi ndang na.

Matthieu 16:20 Referans Kwoze

Marc 8:30

Mɛgi Jésus mboa nu mbwa nɛngaya nde, mbwa atɔ wen ɛngɛ ha ma wi ndang na.

Dede Wen hazu Jésus-Christ ka Luc ngɛraka 9:21

Jésus haa nu ha mbwa nɛngaya nde, mbwa atɔ wen ɛngɛ ha ma wi ndang na.

Jean 1:41

Hapata tikiring André kpaa ya wa Simon, nɛ a tɔa ha wɛnɛ: «Ɔ kpaa *Mesi» (Mesi tɔ nɛ nu greke nde Christ.)

Matthieu 17:9

Ka mbwa ha zilo ngari, Jésus haa nu ha mbwa: «Ka ɛnɛ atɔ wen mɔ, ka ɛnɛ zɔka ha ma wi ndang na, kanɛ ngimɔ ka mi, *Bewei pɛ Wi, guotɛ ha soko hio fiowi.»

Dede Wen hazu Jésus-Christ ka Luc ngɛraka 9:36

Hapata gɛl ɛngi, ɛ zɔka kanɛ Jésus sɔna. Hio wan-nɛtom ndɔng tar gdɔka nu mbwa. Ha ngimɔ ɛngi, mbwa tɛ tɔ kasi mɔ ka mbwa zɔka ha ma wi ndang na.

Matthieu 8:4

Hapata Jésus mboa wɛnɛ: «Ka mɛ atɔ yo ha ma wi ndang na! Ma, mɛ osi tɛ mɛ ha wan-hasadaka tuka wɛnɛ amɛkiri nde, doko pɛ mɛ kara kari. Hapata mɛ ha sadaka sasasamɔ, ka Moïse baha nua sɔngsi. Ɛngɛ beosi ha wi fɛt nde mɛ kpasa kari.»

1 Jean 5:1

Wi ndang ndang fɛt ka mɛkiri nde, Jésus nê *Mesi, mbwa nê bem pɛ Sɔ. Mɛgi, wi ndang ndang fɛt ka ngoy Sɔ, Bafa, mbwa ngoya hio bem pɛa fin.

1 Jean 2:22

Mɛgi, wan-tɔ dalo nê nge wi ge? Yo nê wi ɛngɛ ka tɔ nde, Jésus bo nê *Mesi na. Wi ɛngɛ nê wan-sungiri Christ. A kafa Sɔ, Bafa ɔ hinɛ Bewei pɛa fɛt.

Deamɔ 2:36

«Mɛgi, hio wi mɔ Israel fɛt aing nɛdedea nde, Jésus ɛngɛ ka ɛnɛ ngbaa ha getakate, Sɔ dea wɛnɛ Kongawan nɛ *Mesi.»

Jean 20:31

Ma, mɔ ndɔng ka dung ang, ɛ ngɛraka yo nde, ka ɛnɛ amɛkiri nde, Jésus nê *Mesi, *Bewei pɛ Sɔ. Ka ɛnɛ mɛkiri wɛnɛ, a beha ɛnɛ tunɔ.

Jean 1:45

Hapata Philippe kpaa Natanael. A tɔa ha wɛnɛ: «Ɔ kpaa wi kɛ ka Moïse batɔ wen pɛa ha zang takarata *mbonga, nɛ ka hio *wan-tɔkuliwen batɔ fin wen pɛa. Yo nê Jésus, bem pɛ Joseph, wi mɛ Nazaret.»

Marc 9:9

Nɛ ka mbwa ha zilo ngari, Jésus haa nu ha mbwa: «Ka ɛnɛ atɔ wen mɔ, ka ɛnɛ zɔka, ha ma wi ndang na, kanɛ ngimɔ ka mi, *Bewei pɛ Wi, guotɛ ha soko hio fiowi.»

Matthieu 1:16

Jacob bhɛa Joseph, wei pɛ Marie nana mɛ Jésus, ka ɛ sa nde *Mesi.

Matthieu 16:16

Simon-Pierre kiforo wen: «Mɛ nê Mesi, Bewei pɛ tunɔ Sɔ.»

Dede Wen hazu Jésus-Christ ka Luc ngɛraka 2:11

Swe mɛsɛ ɛ bhɛa *wan-kpasisi ɛnɛ ha le pɛ David. Wɛnɛ nê *Mesi, Kongawan pɛ ɛnɛ.

Jean 11:27

Marthe kiforo wen ha wɛnɛ: «Ey, Kongawan, mi mɛkara nde, mɛ nê *Mesi, *Bewei pɛ Sɔ, ka ɛ batɔ nde, wɛnɛ betɛ ha nzan.»