Matthieu 15:27 - Takarata pɛ Sɔ Mbombe Mbon

²⁷ Nɛ bhoko ɛngɛ tɔa: «Kpasawen, Kongawan. Ma, hio betolo dung mɛ yɔng mbuli yɔngamɔ ka tek ha si tabolo pɛ wan pɛ mbwa, na nde?»

Matthieu 15:27 Referans Kwoze

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Dede Wen hazu Jésus-Christ ka Luc ngɛraka 16:21

Hazu wɛnɛ nɛ hɛl mɛ yɔng mbuli yɔngamɔ ka gɔy ha si tabolo pɛ wan-kpamɔ. Haki hio tolo dungɔ ha yala dalɛ pɛa.

Rome 10:12

Mɛgi, Sɔ gba soko hio *zuife nɛ hio olo kandɔ na. Hazu Kongawan pɛ mbwa fɛt ka nê ndang sɔna. Wɛnɛ ha kapana yɛbha kpaamɔ pɛa ha wi fɛt ka sa ling wa.

Rome 3:29

Mana ɛnɛ takiri pɛ ɛnɛ nde, Sɔ nê Sɔ pɛ hio *zuife sɔna nde? Bo nê wɛnɛ fin nê Sɔ pɛ hio olo kandɔ, na nde? Ey, wɛnɛ fin nê Sɔ pɛ hio olo kandɔ.

Dede Wen hazu Jésus-Christ ka Luc ngɛraka 18:13

Ma, wan-ndɛm mbɔli garama yola pɛa ha gdong. A ngoy guo li wa ha ngɔn na. Ma, a mɛla mbanzi wa nɛ ngɔtɛ nɛ a tɔa: ‹Woo Sɔ! De kobhe tɛ mi wa. Mi nê *wan-de gdangamɔ.›»

Matthieu 8:8

Ma, kagama-bulo kiforo wen: «Kongawan, mi bo nɛ zioa nde, mɛ ale ha twa pɔm na. Ma, mɛ tɔ sɔna nɛ wen ndang nɛ wan-tom pɔm bekpasi.

Matthieu 5:45

Ka ɛnɛ de mɛgi, ɛnɛ bedung nê bem pɛ Bafa ɛnɛ ka dung ha zang ngɔn. Hazu wɛnɛ ha dea nde, swe aba ha zu dede wi nɛ ha zu gdanga wi fɛt gbesi, nɛ nde, kolo aɔl ha zu *nzeng wi nɛ ha zu *kalbho-kalbho wi fɛt gbesi.

Rome 3:4

Way! Yo bo mɛgi na. Ɔ aing nde, Sɔ bhɔna ha tɔa tɛwen, ngase ka hio wi fɛt ha tɔa dalo. Yo gbesi tuka ɛ ngɛraka ha takarata pɛ Sɔ: «Hio wi being nde, mɛ nɛ nzeng nɛ wal wen nu mɛ. Nɛ ha li kita mɛ began zu hio wan-fundi mɛ.»

Efeze 3:19

Ey, ɛnɛ aing ngoy pɛ Christ, ngase ka ma wi ndang lɛm ing yo hɛrr na. Mɛgi, tunɔ pɛ ɛnɛ bedon lɛtɛtɛ nɛ mɔ pɛ Sɔ fɛt mburr.

Rome 3:19

Ɔ ingɔ nde, hio wen *mbonga pɛ Moïse fɛt zɔk hio wi ndɔng ka dung ha si mbonga. Mɛgi, wi ndang bo nɛ ma wen hazu ngangi nɛ tɛ wa ha li Sɔ na. Hio wi mɔ nzan fɛt lɛma nɛ kita pɛ Sɔ.

Matthieu 15:26

Nɛ Jésus tɔa ha wɛnɛ: «Yo bo nɛ dedea mɛ ku yɔngamɔ pɛ bem pi ha betolo na.»

Matthieu 15:28

Mɛgi, Jésus kiforo wen ha wɛnɛ: «Woo, bhoko! Mɛkaramɔ pɛ mɛ gasa gdang. Mɔ ahɔ ha mɛ tuka mɛ ngoya.» Nɛ bem pɛa kpasa ha ndangtɛ ngimɔ.

Marc 7:28

Bhoko ɛngɛ kiforo wen ha Jésus: «Kpasawen, *Kongawan. Ma, hio betolo ha si tabolo dung mɛ yɔng mbuli yɔngamɔ pɛ hio bhobem ka gɔy ha nu, na nde?»