Matthieu 13:46 - Takarata pɛ Sɔ Mbombe Mbon

⁴⁶ Wɛnɛ zɔka ma ndang nɛ ngagɛnɛ, mɛgi a nɛa nɛ gdongi mɔ pɛa fɛt, nɛ hɛa yo.»

Matthieu 13:46 Referans Kwoze

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Kolose 2:3

ka Sɔ gdea mbaramɔ nɛ ingɔmɔ fɛt mburr ha tɛ wa.

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Matthieu 13:44

«*Kongakandɔ Ngɔn dung fin tuka dɔka mbɔli ka ɛ wuso ha zang ma fɔ. Ma wi kpaa yo, ma, a gdea yo ha wusoa. Gasa totɛ dona sila wa, mɛgi a gdonga mɔ pɛa fɛt, nɛ hɛa fɔ ɛngɛ.»

Gbasamɔ 21:21

Ɛ dea hio nu kina bhukɔ gbala bwa nɛ hio mɛtɛtɛ bhukɔ gbala bwa, nɛ ɛ dea nua ndang ndang fɛt nɛ mɛtɛtɛ ndang. Ɛ dea mbango mɔ lea nɛ kpasa gbɛbolo ka dung nɛ ngɛnza ngɛlɛ-ngɛlɛ.

Galasi 6:14

Ma, pɔm, mi sutɛ sɔna hazu wen fio ka *Kongawan pɛ ɔ, Jésus-Christ, fea nɛ ha getakate. Hazu, nɛ wal fio pɛa, hio mɔ nzan fɛt tɛ bo nê fea mɔ ha li mi. Nɛ mi fin, mi tɛ bo nê fiowi ha li nzan.

Matthieu 13:45

«*Kongakandɔ Ngɔn dung fin tuka ɛngɛ: Ma wan-gdongimɔ ang ka ki dede mɛtɛtɛ.

Matthieu 13:47

«*Kongakandɔ Ngɔn dung fin tuka yɔk ka ɛ pio ha li, nɛ ka wesara tili kɔyɔ fɛt.

Gbasamɔ 18:12

Hio toy ndɔng, yo nê hio toytɛ mɔ gbɛbolo nɛ mɔ bubolo, mɔ lɔka ta nɛ mɔ mɛtɛtɛ, hio tili ngagɛnɛ latɛ mɔ lɛgbɛ-lɛgbɛa nɛ mɔ gbɛa nzong-nzong, hio tili mɔ dede te nɛtɛ-nɛtɛ, hio tili toy mɔ yini folo, mɔ ngagɛnɛ te, mɔ gbɛwele, mɔ bolo, nɛ mɔ ngagɛnɛ ta,