Matthieu 13:12 - Takarata pɛ Sɔ Mbombe Mbon

¹² Hazu ɛ beha mɔ ha wi ka dung nɛ mɔ ha kɔ wa. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ ma mɔ na, ngase bebe mɔ ka dung ha kɔ wa, ɛ beku yo yunɛ.

Matthieu 13:12 Referans Kwoze

Matthieu 25:29

Hazu ka ma wi nɛ mɔ ha kɔ wa, ɛ begde ma ha zua. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ mɔ ha kɔ wa na, ɛ bezin ngase bebe mɔ ka dung ha kɔ wa yunɛ.

Dede Wen hazu Jésus-Christ ka Luc ngɛraka 8:18

«Mɛgi, pangay nɛ wal ka ɛnɛ ha zea nɛ mɔ! Hazu wi ka dung nɛ mɔ, ɛ begde ma ha zua. Ma, wi ka bo nɛ mɔ na, ɛ beku ngase bebe mɔ ka wɛnɛ takiri nde yo ha kɔ wa, yunɛ.»

Gbasamɔ 2:5

Tazu ɛnɛ agba nɛ bhandi ka ɛnɛ dungɔ ang bhil tek ha nu. Ɛnɛ akifiri sila nɛ de fin mɔ gbesi tuka ha bosia. Ka bo mɛgi na, mi betɛ ha pɛ ɛnɛ tɛ ku solo lamba pɛ ɛnɛ yunɛ.

Dede Wen hazu Jésus-Christ ka Luc ngɛraka 16:25

Nɛ Abraham tɔa: ‹Bem pɔm, tazu mɛ agba nde, ha ngimɔ tunɔ pɛ mɛ ha nu, mɛ kpaa dedemɔ pɛ mɛ kari. Ma, Lazare dungɔ pɛa nɛ ngɔtɛ. Sising ɛ ha yɔkala wɛnɛ hakɛ, ma, pɛ mɛ, mɛ ha yɔnga nzata.

Matthieu 21:43

«Hazu ɛngi, mi tɔ ha ɛnɛ nde, ɛnɛ lɛm dung wi mɔ *Kongakandɔ pɛ Sɔ fin na. Ma, Sɔ beweki ma mbing kandɔ, ka bede dedemɔ ka lɛma nɛ Kongakandɔ pɛa. [

Dede Wen hazu Jésus-Christ ka Luc ngɛraka 16:2

Mɛgi wan-kpamɔ saa wɛnɛ nɛ tɔa: ‹Mi zea nɛ ge hazu mɛ ge nde? Mɛ osi ha mi pata mɔ fɛt ka mɛ dea nɛ toy pɔm. Hazu mɛ lɛm dung wan-pam mɔ pɔm fin na.›

Dede Wen hazu Jésus-Christ ka Luc ngɛraka 10:42

Ma, ma mɔ ndang ang ka lɛma nde, mɛ agbɛngsi tɛ mɛ ha wena. Yo nê Marie ka weka dede mɔ ɛngɛ, nɛ ma wi lɛm zin yo ha kɔ wa na.»

Dede Wen hazu Jésus-Christ ka Luc ngɛraka 9:26

Ka ma wi nɛ foy hazu mi nɛ hazu wen pɔm, mi, Bewei pɛ Wi, bedung nɛ foy hazu wa ha ngimɔ ka mi bekifiri ha zang *lɛkɛ-lɛkɛmɔ pɔm, pɛ Bafa mi nɛ pɛ hio nzɔy *telenge.

Marc 12:9

Jésus ana mbwa: «Wan-fɔ bede mɛng? Wɛnɛ benɛ nɛ gbɛ hio wan-tom fɔ, nɛ ku fɔ ɛngi gde ha kɔ hio ma mbingwi, na nde?

Dede Wen hazu Jésus-Christ ka Luc ngɛraka 12:48

Ma, wan-tom ka tɛ ing mɔ ka wan pɛa ngoya na, nɛ ka dea mɔ ka lɛma nɛ mɛli, ɛ bemɛl wɛnɛ tikiring sɔna. Ka ɛ haa dɔka mɔ ha ma wi, ɛ beani dɔka mɔ ha kɔ wa. Nɛ ka ɛ gdea dɔka mɔ ha kɔ ma wi, ɛ beani mɔ pen zua ha kɔ wa.»

Jacques 4:6

Ma, ngase ɛngi, Sɔ ha dea *dede sila ha tɛ ɔ nɛnɛ, gbesi tuka ɛ bangɛriki ha zang takarata pɛa: «Sɔ sungiri hio wan-sutɛ, ma, a de dede sila ha tɛ wi ka hil nɛ mɛndi.»