Matthieu 11:21 - Takarata pɛ Sɔ Mbombe Mbon

²¹ «Ngɔtɛ ha ɛnɛ, wi mɛ le Korazin nɛ Betsaida! Hazu ka bo se nde, hio wi mɛ le Tir nɛ Sidon bazɔk hio *mɔkifi, ka hɔa ha le pɛ ɛnɛ, ki nɛhasa mbwa yola la zim mɔ, nɛ mbwa aa bok ha tɛ mbwa hazu osi nde, mbwa kiforo sila mbwa.

Matthieu 11:21 Referans Kwoze

Deamɔ 12:20

*Kongapora Herode dungɔ nɛ ngambi pentɛ sungiri nɛ hio wi mɛ le Tir nɛ Sidon. Hazu mbwa kpa yɔngamɔ ha kandɔnu pɛa, mbwa tomsa hio ma wi ha pɛa mɛ ani gaamɔ. Mbwa dea gdidan hinɛ Blastus, wan-pam twa pɛ Herode. Nɛ wɛnɛ bhɔngara yala kpa may hinɛ Herode.

Jean 12:21

Mbwa nɛa ha pɛ Philippe wi mɔ Betsaida ha kandɔnu Galile, nɛ mbwa tɔa ha wɛnɛ: «Gasa wi, ɔ ngoya mɛ zɔk Jésus.»

Dede Wen hazu Jésus-Christ ka Luc ngɛraka 9:10

Hio *wan-nɛtom kiforo tɛ ha pɛ Jésus, nɛ baa kasi mɔ fɛt ka mbwa dea ha wɛnɛ. Nɛ a daka tɛ hinɛ mbwa gbatɛ ha ma bhandi nɛ wal le Betsaida.

Marc 6:45

Nɛhasa hapata ɛngi, Jésus nɔsasa hio *wan-yambimɔ pɛa nde, mbwa ale sɔngu, nɛ mbwa apen sɔngsi nɛ wɛnɛ nɛ ha kuli tɔ, ha wal le Betsaida. Ma, Jésus nɛ pɛa tɛ ngoy bhɔn hazu gde wal ha giliwi asi.

Matthieu 15:21

Hapata Jésus pena ha kandɔnu ɛngi, nɛ ha kandɔnu mɔ le Tir nɛ Sidon.

Jude 1:11

Ngɔtɛ ha mbwa! Hazu mbwa ndara deamɔ pɛ Kain. Mbwa tɔa wen dalo hazu kpa nɛ mbɔli gbesi tuka ka Balaam batɔ nɛ. Mbwa guotɛ sungiri nɛ Sɔ, gbesi tuka ka Kore bade nɛ, nɛ mbwa fɛt befe tuka wɛnɛ.

Jean 1:44

Philippe nê wi mɛ le Betsaida, ndangtɛ le pɛ André hinɛ Pierre.

Dede Wen hazu Jésus-Christ ka Luc ngɛraka 6:17

Jésus zilo ngari hinɛ hio *wan-nɛtom pɛa. Nɛ mbwa yola ha tɛlɛfɛn bhandi ka hio olo *wan-yambimɔ dungɔ ang hinɛ gasa zugiliwi mɔ kandɔnu Judée, mɔ gasa le Jérusalem nɛ mɔ kandɔnu mɔ le Tir nɛ Sidon, ka dung hapɛtɛ nana-litɔng.

Marc 8:22

Jésus hinɛ hio *wan-yambimɔ pɛa hɔa ha le Betsaida. Nɛ hio wi kuo ma wan-gdɔka li tɛnɛ ha pɛa. Mbwa lokatɛ nde, wɛnɛ andɔ tɛ wa nɛ kpasisi wɛnɛ.

Marc 7:31

Hapata, Jésus guotɛ ha kandɔnu mɔ le Tir, wɛnɛ gɔna nɛ wal le Sidon. A hɔa ha binsila kandɔnu ka ɛ sa nde, «Le Bhukɔ», ka dungɔ sanga nɛ tɔ Galile.

Marc 3:8

ha Jérusalem, ha kandɔnu Idume, ha kuli Jourdain, nɛ ha kandɔnu mɔ le Tir nɛ Sidon tɛnɛ. Mbwa tɛa ha pɛa hazu mbwa zea wen hio mɔ ka wɛnɛ ha dea.

Matthieu 18:7

Yo nê gasa ngɔtɛ ha hio wi mɔ nzan, hazu hio mɔ ang ka lɛma daka mbwa pi ha dea gdangamɔ. Ɛ lɛm dol yo na. Ma, ngɔtɛ ha wi ka ku mɔ mɛgi tɛnɛ!

Matthieu 11:22

Mɛgi mi tɔ ha ɛnɛ nde, ha ngimɔ ka Sɔ begɔn kita, hio wi mɛ le Tir nɛ Sidon bekpa yeksamɔ kpasawen. Ma, pɛ ɛnɛ bepentɛ pet.

Deamɔ 27:3

Nɛ ka mɔ saa, kuga bhanda ha Sidon. Yulius, ka dungɔ ha pama Paul nɛ *dede sila, haa wal nde, Paul anɛ ha pɛ hio dan wa, ka mbwa agbakiri wɛnɛ.

Dede Wen hazu Jésus-Christ ka Luc ngɛraka 4:26

Nɛ Sɔ tɛ tomsi Elie ha pɛ ma nagula ndang mɔ Israel na. Ma, a tomsa wɛnɛ sɔna ha pɛ nagula ɛngɛ ka dungɔ ha Sarepta ha kandɔnu Sidon.

Marc 7:24

Jésus guotɛ ha kandɔnu Galile, nɛ ha kandɔnu mɔ le Tir. A lea ha ma twa nɛ a tɛ ngoy nde, ma wi aing na. Ma, ngase ɛngi, a lɛm dung nɛ wuso na.

Matthieu 26:24

Mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ Wi. Ɛ abhɛ se wɛnɛ na, ki dea se!»

Gbasamɔ 6:12

Mi zɔka Besami ha kuso zemɔrkɔ zanga ndang gdangi. Nɛ nu yaka nɛngaya, gbali swe tɛ bo nɛ tua tuka la zim mɔ, nɛ ze nɛ kilia fɛt tɛ bo nɛ gbɛa tuka tɔk.

Gbasamɔ 11:3

Hio wan-kɛwen pɔm bwa beyol la zim mɔ. Nɛ mi beha mbwa ngatɛ mɛ tɔ hio kuliwen pɔm lɛm hio yala ndɔng tomay nɛ gɔmmay bwa zu bhukɔa mɔrkɔ zu bhukɔa ndang (1260).»