Matthieu 1:24 - Takarata pɛ Sɔ Mbombe Mbon

²⁴ Nɛ ka Joseph tunɔ ha la, a dea gbesi tuka telenge pɛ Kongawan Sɔ tɔa ha wɛnɛ. Nɛ wɛnɛ sio Marie nɛnɛ ha twa pɛa.

Matthieu 1:24 Referans Kwoze

Jean 15:14

Ka ɛnɛ de mɔ ka mi haa nua ha ɛnɛ, ki ɛnɛ nê hio dan mi.

Matthieu 1:23

«Bhinzi bhoko beba zang, nɛ a bebhɛ bewei. Ɛ begbal ling wa nde, Emmanuel.» Ling ɛngɛ tɔ nde, Sɔ hinɛ ɔ.

Matthieu 1:25

Ma, a ing wɛnɛ tuka bhoko na, kanɛ ngimɔ ka wɛnɛ bhɛa nɛ bewei. Nɛ Joseph gbala ling wa nde Jésus.

Deamɔ 5:19

Ma, ka zɛ dea, ma *telenge pɛ *Kongawan Sɔ gbosasa nutwa zɔbhɔ. A ngbɔsa mbwa gbo nɛ, nɛ tɔa:

Deamɔ 12:7

Nɛhasa, ma telenge pɛ *Kongawan gbasa tɛ, nɛ gasa saamɔ baa zikiri zang twa zɔbhɔ. Hazu tunsi Pierre, telenge fesa wɛnɛ ha mbanzi nɛ tɔa: «Gutɛ mɛ nɛhasa.» Nɛ gbazɔbhɔ kpɔsa ha kɔ wa ha ndangtɛ ngimɔ.