Marc 9:31 - Takarata pɛ Sɔ Mbombe Mbon

³¹ hazu wɛnɛ dungɔ ha osamɔ ha hio wan-yambimɔ pɛa. A tɔa ha mbwa: «Ɛ begde mi, *Bewei pɛ Wi, ha kɔ hio wi. Mbwa begbɛ mi. Nɛ hapata yala tar, mi begutɛ ha soko hio fiowi.»

Marc 9:31 Referans Kwoze

Matthieu 16:21

Angiri ha ngimɔ ɛngi, Jésus angara gbasa mɔ ɛngɛ ha hio *wan-yambimɔ pɛa, a tɔa: «Lɛma nde, mi anɛ ha Jérusalem, nɛ mi akpa dɔka yimtɛ ha kɔ hio kotowi, hio gasa wan-hasadaka nɛ hio *wan-osi mbonga. Nɛ mbwa begbɛ mi. Ma, ha zetar yala, mi begutɛ ha soko hio fiowi.»

Marc 9:12

Wɛnɛ kiforo wen ha mbwa: «Tɛwen, wɛnɛ betɛ sɔngsi hazu bhɔngiri mɔ fɛt nɛ wala. Ma hazu ge, takarata pɛ Sɔ tɔa fin nde, Bewei pɛ Wi bekpa yimtɛ nɛdɔka, nɛ ɛ bezɔk wɛnɛ tuka ngbundumɔ, ge nde?

Marc 8:31

Hapata ɛngi Jésus angara osamɔ ha hio *wan-yambimɔ pɛa, a tɔa: «Lɛma nde, mi, *Bewei pɛ Wi, akpa yeksamɔ nɛdɔka. Hio kotowi, hio gasa wan-hasadaka nɛ hio *wan-osi mbonga bemul mi pi. Ɛ begbɛ mi, nɛ mi begutɛ hapata yala tar.»

Dede Wen hazu Jésus-Christ ka Luc ngɛraka 24:26

Dea ka de nde, *Mesi akpa yimtɛ mɛgi, sɔngsi ka Sɔ beha wɛnɛ *lɛkɛ-lɛkɛmɔ pɛa.»

Matthieu 26:2

«Ɛnɛ ingɔ nde, ha zang yala bwa, yenga *Pake behɔ. Ha ngimɔ ɛngi, ɛ begde mi, *Bewei pɛ Wi, ha kɔ hio wi hazu ngba mi ha getakate.»

Matthieu 20:28

Gbesi tuka ɛngi, mi, *Bewei pɛ Wi, mi tɛ tɛ nde, ka hio wi ade tom ha mi na. Ma, mi tɛa hazu de tom ha hio wi. Nɛ mi tɛa hazu ha tunɔ pɔm tuka mɔ gbosisi dɔka wi ha si bala pɛ gdangamɔ.»

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Jean 10:18

Ma wi ndang gu tunɔ pɔm ha kɔ mi yunɛ na. Yo nê mi nɛ pɔm tɛ ka lak yo gde. Mi nɛ ziomɔ mɛ lak tunɔ pɔm gde, nɛ mi nɛ ziomɔ mɛ kpa yo nɛ mbinga. Yo nê Bafa mi ka haa nu ha mi nde, mi ade mɛgi.»

Jean 3:14

«Sɔngsi ha kpɛnu, Moïse bagu gɔk ka wɛnɛ dea nɛ bolo gde ha ngɔn ha zu tongolo. Lɛma nde, ɛ agu mi, Bewei pɛ Wi, gde ha ngɔn gbesi.

Jean 2:19

Jésus kiforo wen ha mbwa: «Ɛnɛ gbin gasa twa Sɔ ɛngɛ fɛt yunɛ, nɛ mi bebɛ yo fin nɛ mbinga ha zang yala tar.»

Dede Wen hazu Jésus-Christ ka Luc ngɛraka 9:44

«Ɛ begde mi, *Bewei pɛ Wi, ha kɔ hio wi. Ɛnɛ ze yo nɛdedea!»

Matthieu 27:63

nɛ mbwa tɔa: «*Kongawan, tazu ɔ gbaa nde, ha ngimɔ ka wan-dalo ɛngɛ bhɔna nɛ zutunɔ, wɛnɛ batɔ nde, wɛnɛ begutɛ ha soko hio fiowi hapata yala tar.

Marc 10:34

Nɛ wi ndɔng bemam mi. Mbwa bepɛ tafu ha tɛ mi. Mbwa bezuri mi nɛ zambala, nɛ mbwa begbɛ mi. Ma, hapata yala tar, mi begutɛ ha soko hio fiowi.»