Marc 5:12 - Takarata pɛ Sɔ Mbombe Mbon

¹² Nɛ gdanga sɔtɛ ndɔng lokatɛ ha Jésus: «Mɛ tomsi ɔ ha zang nguru ndɔng, ka ɔ ale ha tɛ mbwa wa!»

Marc 5:12 Referans Kwoze

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

2 Korente 2:11

Mi dea mɛgi yu nde, *Satan betɛ osili ɔ nɛ gan zu ɔ. Ey, mɔ ka wɛnɛ ngoya mɛ de, ɔ ingɔ yo nɛdedea pentɛ.

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Matthieu 7:6

«Ka ɛnɛ aha nzɔy mɔ ha hio tolo na. Yu nde, mbwa bekifiri tɛ yɔng ɛnɛ. Nɛ ka ɛnɛ aha hio mɛtɛtɛ pɛ ɛnɛ ha hio nguru na. Yu nde, mbwa be-um yo nɛ nanga mbwa.»

Marc 5:11

Ma gasa zugili nguru dungɔ haki ha yɔngamɔ ha zu ngari.

Marc 5:13

Jésus mɛkara wen pɛ mbwa. Mɛgi hio gdanga sɔtɛ ndɔng gboa ha tɛ wi ɛngɛ, nɛ mbwa lea ha tɛ hio nguru. Nɛ zugili nguru ɛngi angara sɔawi, mbwa *bhilo tek ha kuso nu ngindi tɔ, nɛ mbwa fɛt fea li. Ɛ weka gili mbwa lɛm nɛ tomay bwa.