Marc 4:41 - Takarata pɛ Sɔ Mbombe Mbon

⁴¹ Mɛgi, gasa ke baa mbwa nɛ mbwa ana may: «Ɛngɛ nê nge tili wi, ka gbabok nɛ li ha zea nu wa ge nde?»

Marc 4:41 Referans Kwoze

Dede Wen hazu Jésus-Christ ka Luc ngɛraka 8:25

Mɛgi, Jésus tɔa ha mbwa: «Mɛkaramɔ pɛ ɛnɛ ha ndo?» Ke baa mbwa, mbwa yaksa nɛ tɔa ha may: «Wi ɛngɛ nê o, ka ha nu ngase ha li nɛ bok, nɛ mbwa fɛt zea nu wa, o nde?»

Matthieu 8:27

Ma, hio wi fɛt yaksa nɛ mbwa tɔa ha may: «Ɛngɛ nê nge tili wi, ka bok nɛ li ha zea nu wa ge nde?»

Gbasamɔ 15:4

Nge wi ka bekafi yuo ke mɛ, Kongawan, ge? Nge wi ka bekafi lukoso mɛ ge? Hazu yo nê mɛ ndang sɔna ka dung nɛ nzɔya. Hio kandɔ fɛt betɛ tɛ lukisi mɛ tuka Sɔ, hazu hio nzeng deamɔ pɛ mɛ gboa long ha li wi fɛt.»

Marc 5:33

Tɛ bhoko ɛngɛ angara yaka tu-tu-tu nɛ ke, hazu a ingɔ mɔ ka hɔa ha tɛ wa. Mɛgi, wɛnɛ tɛa, tɛ hil ha si Jésus, nɛ a tɔa ngbak wen mɔ fɛt ka hɔa ha tɛ wa.

Hebro 12:28

Nɛ Sɔ haa ɔ wal mɛ le ha kongakandɔ ɛngɛ ka ɛ lɛm mɛ fesi na. Mɛgi, ɔ aha oeba ha wɛnɛ nɛ wal dea dede tom ha wɛnɛ nɛ mɛndi nɛ ke.

Dede Wen hazu Jésus-Christ ka Luc ngɛraka 4:36

Hio wi fɛt yaksa nɛdɔka, nɛ mbwa wolamɔ ha soko may: «Ɛngɛ nê nge tili wen ge? Wi ɛngɛ haa nu nɛ ziomɔ nɛ ngatɛ ha hio gdanga sɔtɛ nɛ mbwa gboa!»

Matthieu 14:32

Nɛ ka mbwa lea sɔngu, bok kara.

Marc 7:37

Hio wi fɛt yaksa pentɛ nɛ mbwa tɔa: «Wɛnɛ de mɔ fɛt nɛdedea. A de tuka nde hio wan-gdɔka zala aze mɔ, nɛ hio wan-gdɔka nu awol mɔ.»

Marc 4:40

Hapata, Jésus ana hio wan-yambimɔ: «Ɛnɛ yu ke hazu ge? Ɛnɛ tɛ mɛkiri ka mi na?»

Marc 5:1

Nɛ mbwa hɔa ha kuli tɔ, ha kandɔnu Gadara.