Marc 4:38 - Takarata pɛ Sɔ Mbombe Mbon

³⁸ Jésus dungɔ ha goto sɔngu, nɛ wɛnɛ ɔala gde zu wa ha mɔ-gde zu. Hio wan-yambimɔ tunso wɛnɛ nɛ mbwa gdɔra: «Wan-osimɔ, ɔ fea kari! Yo de ma mɔ ha tɛ mɛ na?»

Marc 4:38 Referans Kwoze

1 Pierre 5:7

Ɛnɛ gde nɔzang pɛ ɛnɛ fɛt ha kɔ Sɔ, hazu wɛnɛ ha pama ɛnɛ.

Hebro 4:15

Gasa wan-hasadaka pɛ ɔ ingɔ pɔsa pɛ ɔ, nɛ wɛnɛ ha dea kobhe tɛ ɔ, hazu *Satan wea sila wa tuka pɛ ɔ. Ma, pɛa, a tɛ de gdangamɔ ndang na.

Matthieu 8:25

Nɛ hio wan-yambimɔ tiko nɛ ha pɛa, tunso wɛnɛ nɛ tɔa: «*Kongawan, kpasisi ɔ, ɔ sanga nɛ fio!»

Dede Wen hazu Jésus-Christ ka Luc ngɛraka 8:24

Mɛgi hio wan-yambimɔ tiko hapɛtɛ Jésus, mbwa tunso wɛnɛ nɛ tɔa: «Wan-osimɔ, wan-osimɔ, ɔ sanga nɛ fio!» Wɛnɛ tunɔ, nɛ a tubho da ha bok nɛ tongbasali. Mɔ fɛt yola, nɛ li gaa senzenze.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Jean 4:6

Kɔ li ka Jacob baza sɔngsi bhee dung haki. Jésus dungɔnu ha pɛtɛa, hazu tɛ wa kata ha yali. Nɛ swe tɛ bo sanga nɛ sila zu.

Matthieu 22:16

Mbwa tomsa hio ma *wan-yambimɔ pɛ mbwa nɛ hio ma ngali pɛ Herode ha pɛ Jésus mɛ tɔ ha wɛnɛ: «Wan-osimɔ, ɔ ingɔ nde, mɛ nê wan-tɔ tɛwen, ka osi ngbak mɔ, ka Sɔ ngoya nde ɔ ade. Mɛ yu ke li ma wi na, nɛ mɛ de mɔ hazu pea li wi na.

Marc 4:37

Nɛ gbabok guotɛ nɛhasa, nɛ tongbasa li a ha zang sɔngu nɛdɔka.

Marc 4:39

Jésus tunɔ ha la. A gaya gbabok nɛ a tɔa nɛ ngagɛl ha li: «Mɛ ga, kari sɛm!» Bok ɛngɛ kara nɛ mɔ gaa selele.