Marc 16:6 - Takarata pɛ Sɔ Mbombe Mbon

⁶ Ma, a tɔa ha mbwa: «Ka ɛnɛ ayu ke na! Mi ingɔ nde, ɛnɛ ki nɛ Jésus wi mɔ le Nazaret ka ɛ ngbaa ha getakate. A bo fin hakɛ na. A guotɛ ha soko hio fiowi. Ɛnɛ zɔk hakɛ nɛ bhandi ka ɛ gdea wɛnɛ ang.

Marc 16:6 Referans Kwoze

Dede Wen hazu Jésus-Christ ka Luc ngɛraka 24:46

Nɛ a tɔa ha mbwa: «Ɛ ngɛraka ha zang takarata pɛ Sɔ nde, *Mesi bekpa yeksamɔ nɛdɔka kanɛ fio. Nɛ hapata zetar yala, a begutɛ ha soko hio fiowi.

Deamɔ 4:10

Lɛma nde, ɛnɛ hinɛ kandɔ *Israel fɛt aing nde, wi kɛ ka dung ha li ɛnɛ, Sɔ kpasasa wɛnɛ nɛ wal ziomɔ pɛ ling Jésus-Christ, wi mɛ Nazaret. Yo nê ndangtɛ Jésus, ka ɛnɛ ngbaa ha getakate, nɛ ka Sɔ guo wɛnɛ ha soko hio fiowi.

Marc 1:24

«Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Matthieu 12:40

Gbesi tuka Jonas dea yala tar ha zang gasa kɔyɔ, mi, *Bewei pɛ Wi, bede fin yala tar ha si nu.

Marc 10:34

Nɛ wi ndɔng bemam mi. Mbwa bepɛ tafu ha tɛ mi. Mbwa bezuri mi nɛ zambala, nɛ mbwa begbɛ mi. Ma, hapata yala tar, mi begutɛ ha soko hio fiowi.»

Marc 1:27

Wi fɛt yaksa nɛkpasa nɛ mbwa angara ana may: «Ɛngɛ nê nge tili mɔ ge? Wi ɛngɛ ha osa mbombe mɔ ha ɔ nɛ ziomɔ. Wɛnɛ ha nu ha hio gdanga sɔtɛ nɛ mbwa ze nu wa.»

Marc 9:15

Nɛ ha ndangtɛ ngimɔ, ka giliwi zɔka Jésus, mbwa yaksa nɛdɔka, nɛ mbwa sɔawi tɛ, tɛ fan wɛnɛ.

Marc 14:33

Nɛ wɛnɛ kuo Pierre, Jacques nɛ Jean pen nɛ. Ke nɛ ngɔtɛ angara baa wɛnɛ.

Deamɔ 2:24

Nɛ Sɔ tunso wɛnɛ, a kuo wɛnɛ yunɛ ha yimtɛ fio, hazu lɛm nde, fio agan zu wa na.