Biblia Todo Logo
Bib sou entènèt

- Piblisite -




Marc 14:6 - Takarata pɛ Sɔ Mbombe Mbon

6 Ma, Jésus tɔa: «Ɛnɛ yeksi wɛnɛ hazu ge? Ɛnɛ gde wɛnɛ sɛm! Mɔ ka wɛnɛ dea ha tɛ mi, yo nɛ dedea.

Gade chapit la Kopi




Marc 14:6
23 Referans Kwoze  

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.


Ɔ azɔk wal pɛ may, nɛ ɔ aha da ha may mɛ ngoy may nɛ mɛ de dedemɔ.


Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.


Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.


Wi ka lak gdanga osamɔ ndɔng ki fɛt gde, bedung tuka kpana mɔ swe yenga. A bedung nɛ nzɔya, nɛ a begbakiri wan pɛa ha dea hio dede tom fɛt.


Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.


Ma *wan-yambimɔ bhoko dungɔ ang ha Zope, ling wa nde, Tabita. Ling ɛngɛ tɔ nɛ nu greke nde, Dorkas, gotoa nde, dɛngbɛ. Wɛnɛ dea dedemɔ swe fɛt nɛ a gbakara hio fabha wi.


Jésus ingɔ wen pɛ mbwa nɛ wɛnɛ tɔa: «Ɛnɛ yeksi bhoko ɛngɛ hazu ge? Mɔ ka wɛnɛ dea ha tɛ mi, yo nê dedea.


Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.


ha deamɔ pɛ mbwa fɛt. Pɛ mɛ, lɛma nde, ha zang mɔ fɛt, hio olo wi azɔk hio dede deamɔ pɛ mɛ hazu de nɛ pɛ mbwa. Wal ka mɛ osi nɛ mɔ adung nɛ zioa nɛ kpasa ha li wi.


Mɛgi takarata pɛ Sɔ de nde, wi pɛ Sɔ alɛm wɛɛ, nɛ akpa ngatɛ hazu de nɛ hio tili dede tom fɛt.


Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.


Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.


mbwa adonsi sila ɛnɛ nɛ da nɛ ngatɛ hazu de nɛ wol hio tili dede mɔ fɛt.


Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.


Kpasa dede wan-tom, yo bo nê wi ɛngɛ ka tɔ dede lingtɛ wa nɛ pɛa tɛ na, ma, yo nê wi ɛngɛ ka Kongawan tɔ dede lingtɛ wa.


Sɔ lɛma ha ɛnɛ hio tili dedemɔ fɛt nɛdɔka tuka nde, mɔ pɛ ɛnɛ alɛm swe fɛt ha wal fɛt, nɛ mɔ pɛ ɛnɛ angbɔl hazu de nɛ ngay ha wal fɛt.


Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.


Gɛnɛ liama ɛngɛ lɛma nɛ mbɔli tom mɔ yala gɔmmay tar. Ki ɛ gdonga yo nɛ ha mbɔlia ha hio fabha wi!» Mɛgi, mbwa ndio bhoko ɛngɛ pentɛ.


Hazu hio fabha wi dung hinɛ ɛnɛ kpoo. Nɛ ɛnɛ lɛma de dedemɔ ha tɛ mbwa ha ngimɔ ka sila ɛnɛ ngoya. Ma, pɔm, mi lɛm dung hinɛ ɛnɛ kpoo na.


Swiv nou:

Piblisite


Piblisite