Marc 13:13 - Takarata pɛ Sɔ Mbombe Mbon

¹³ Hio wi fɛt besɛn ɛnɛ hazu ɛnɛ mɛkara mi. Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.»

Marc 13:13 Referans Kwoze

Matthieu 10:22

Hio wi fɛt besɛn ɛnɛ hazu ɛnɛ nê wi pɔm. Ma, wi ka beba nɛ nɔa nging kanɛ kpogio, bekpasi.

Matthieu 24:13

Ma, wi ka ba nɛ nɔa nging kanɛ kpogio ngimɔ, Sɔ bekpasisi wɛnɛ.

Dede Wen hazu Jésus-Christ ka Luc ngɛraka 6:22

Totɛ ha ɛnɛ ka hio wi besɛn ɛnɛ, nɛ ka mbwa bemul ɛnɛ pi, nɛ ka mbwa beya ɛnɛ nɛ fɛngsi ling ɛnɛ, hazu mi, *Bewei pɛ Wi.

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

Jean 15:21

Ma, mbwa bede mɔ ndɔng fɛt ha tɛ ɛnɛ, hazu ɛnɛ mɛkara mi, nɛ hazu mbwa ing wan-tomsi mi tɛnɛ na.

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.

Hebro 10:39

Pɛ ɔ, ɔ bo nê wi ka lak wal mɛkara Sɔ gde na, ɔ lɛm bhondi na. Ma, ɔ bhɔna ka ha mɛkara Sɔ, nɛ a bekpasisi tunɔ pɛ ɔ.

Hebro 3:14

Lɛma nde, ɔ abhɔn ha gdea tazu ɔ ha tɛ Christ tuka ka ɔ dea nɛ ha angara mɛkara wɛnɛ. Hazu, ɔ nê hio sɔy pɛa sɔna ka ɔ de mɛgi tee hɔ ha kpogio ngimɔ.

Jean 17:14

Mi osa wen pɛ mɛ ha mbwa, nɛ hio wi mɔ nzan sɛna mbwa, hazu mbwa bo fin nê wi mɔ nzan na, gbesi tuka mi bo nê wi mɔ nzan na.

Dede Wen hazu Jésus-Christ ka Luc ngɛraka 21:17

Wi fɛt besɛn ɛnɛ hazu ɛnɛ nê wi pɔm.

Matthieu 24:9

«Ha ngimɔ ɛngi, ɛ beba ɛnɛ mɛ yukiti nɛ mɛ gbɛ ɛnɛ. Hio kandɔ fɛt besɛn ɛnɛ hazu ɛnɛ mɛkara mi.

Gbasamɔ 3:10

Ɛnɛ pama wen nu mi nde, ɛnɛ adung nɛ yikosila. Hazu ɛngi, mi fin, mi bepam ɛnɛ ha ngimɔ *sɛbhalamɔ ka betek ha nzan fɛt hazu we sila wi mɔ zu nu fɛt.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

1 Jean 3:13

Hio ya mi, ka hio wi mɔ nzan sɛna ɛnɛ, ka ɛnɛ ayaksi hazua na.

Marc 13:12

Hio gdiya begɔn si nanga may nde, ka ɛ agbɛ mbwa. Hio gdibafa begɔn si nanga bem pɛ mbwa. Hio bem begutɛ sungiri nɛ bafa nɛ nana mbwa hazu nde, ɛ agbɛ mbwa yunɛ.