Marc 10:19 - Takarata pɛ Sɔ Mbombe Mbon

¹⁹ Mɛ ingɔ hio *mbonga: Ka mɛ gbɛ wi na, ka mɛ de wanza na, ka mɛ zu mɔ na, ka mɛ gɔn dalo gde ha nu ma wi na, ka mɛ de gdangamɔ ha tɛ ma wi na. Mɛ ba bafa mɛ nɛ nana mɛ nɛ zioa!»

Marc 10:19 Referans Kwoze

Rome 13:9

Kpasawen, hio wen mbonga tɔa nde, «Ka mɛ ade wanza na, ka mɛ agbɛ wi na, ka mɛ azu mɔ na, ka mɛ agol mɔ na.» Hio wen mbonga ndɔng nɛ hio mbinga fɛt, wesara may ha zang ndanga mbonga ka tɔ nde, «Mɛ ngoy ma mɛ tuka tɛ mɛ.»

Jacques 2:11

Ey, ndangtɛ Sɔ ka haa nu nde, ka mɛ ade wanza na, yo nê wɛnɛ fin ha tɔ nde, ka mɛ agbɛ wi na. Mɛgi, ngase ka mɛ tɛ de wanza na, ma, mɛ gbɛa wi, yo tɔ nde, mɛ tukolo mbonga fɛt kari.

Dede Wen hazu Jésus-Christ ka Luc ngɛraka 18:20

Mɛ ingɔ hio *mbonga: Ka mɛ ade wanza na, ka mɛ agbɛ wi na, ka mɛ azu mɔ na, ka mɛ agɔn wen dalo gde ha nu ma wi na. Mɛ ba bafa mɛ nɛ nana mɛ nɛ zioa.»

1 Tesalonike 4:6

Ka ma ya ha Christ ade gdangamɔ ha tɛ ya wa na, nɛ ka wɛnɛ aosili wɛnɛ na. Kpasawen, ɔ tɔa ha ɛnɛ, nɛ ɔ gbaa tazu ɛnɛ kari nde, Kongawan bekundiki deamɔ ndɔng fɛt.

Galasi 5:14

Kpasawen, mbonga fɛt wesara may ha zang ndanga mbonga ɛngɛ ka tɔ nde, «Mɛ ngoy ma mɛ tuka tɛ mɛ.»

Galasi 4:21

Ɛnɛ ngoy mɛ bhɔn ha si *mbonga na nde? Mɛgi, ɛnɛ akifiri wen ha anamɔ ɛngɛ: Ɛnɛ zea mɔ ka mbonga tɔa nde?

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Marc 10:18

Jésus ana wɛnɛ: «Mɛ sa mi nde dedea hazu ge? Dede wi bona, kanɛ Sɔ ndang sɔna.