Dede Wen hazu Jésus-Christ ka Luc ngɛraka 9:48 - Takarata pɛ Sɔ Mbombe Mbon

⁴⁸ Nɛ a tɔa ha mbwa: «Wi ka baa bem ɛngɛ nɛ dede kɔ hazu ling mi, wia baa mi. Nɛ wi ka baa mi, baa wi ka tomsa mi. Hazu wi ka dung nɛ bebea ha soko ɛnɛ fɛt, yo nê wɛnɛ ka dung nɛ gasaa.»

Dede Wen hazu Jésus-Christ ka Luc ngɛraka 9:48 Referans Kwoze

Dede Wen hazu Jésus-Christ ka Luc ngɛraka 14:11

Hazu, ɛ behilsi hio wan-sutɛ fɛt, nɛ ɛ begu wi ka hilo nɛ mɛndi gde ha ngɔn.»

1 Pierre 5:6

Mɛgi ɛnɛ ahil nɛ mɛndi ha si Sɔ ka dung nɛ ziomɔ fɛt tuka nde, wɛnɛ agu ɛnɛ ha dede ngimɔ gde ha ngɔn.

Dede Wen hazu Jésus-Christ ka Luc ngɛraka 22:26

Ma, pɛ ɛnɛ yo bo mɛgi na. Lɛma nde, gasa wi ha soko ɛnɛ adung nɛ bebea. Nɛ wi ka dung ha zua, lɛma nde, wɛnɛ adung tuka wan-tom.

Jean 13:20

Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»

Dede Wen hazu Jésus-Christ ka Luc ngɛraka 10:16

Nɛ Jésus tɔa fin ha hio *wan-yambimɔ pɛa: «Wi ka mɛkiri wen pɛ ɛnɛ, mɛkara mi. Wi ka kafi ɛnɛ, kafa mi. Nɛ wi ka kafi mi, a kafa Sɔ ka tomsa mi.»

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.

1 Tesalonike 4:8

Mɛgi, wi ka kafi mɛ ze wen ndɔng, a kafi nɛ wen pɛ hio wi na, ma, a kafi nɛ Sɔ ka ha *Nzɔy-Sɔtɛ pɛa ha ɛnɛ.

Jean 14:21

«Wi ka pam hio mbonga pɔm nɛ ka de mɔ lɛm nɛ yo, wɛnɛ nê wi ka ngoya mi. Bafa mi bengoy wi kɛ ka ngoy mi. Mi fin bengoy wɛnɛ, nɛ mi begbasi tɛ ha wɛnɛ.»

Dede Wen hazu Jésus-Christ ka Luc ngɛraka 22:30

Ha ngimɔ ka mi bedung kongapora, ɛnɛ beyɔng nɛ nɔ mɔ ha tabolo hinɛ mi. Nɛ ɛnɛ bedung ha zu hio solowan mɛ gɔn kita ha zu hio kandɔ pɛ *Israel bhukɔ gbala bwa.»

Dede Wen hazu Jésus-Christ ka Luc ngɛraka 7:28

Mi tɔ ha ɛnɛ nde, ɛ tɛ bhɛ ma wi ka dung nɛ gasaa pen Jean ndang na. Ma, wi kɛ ka dung nɛ bebea fɛt ha zang *Kongakandɔ pɛ Sɔ, nɛ zioa pen Jean.

Marc 9:37

«Wi ka ba ma bhobem tuka ɛngɛ nɛ dede kɔ hazu ling mi, wɛnɛ baa mi. Nɛ wi ka baa mi, yo bo nê mi ka wɛnɛ ba na, ma, yo nê wi ka tomsa mi.»

Matthieu 25:45

Mɛgi, mi, Kongawan, bekifiri wen ha mbwa: ‹Kpasawen mi tɔ ha ɛnɛ nde, mɔ fɛt ka ɛnɛ tɛ de ha tɛ ma wi ndang ha soko hio bebe ya mi ndɔng na, ɛnɛ tɛ de yo fin ha tɛ mi na.›

Matthieu 25:40

Nɛ mi betɔ ha mbwa: ‹Kpasawen, mi tɔ ha ɛnɛ nde, mɔ fɛt ka ɛnɛ dea ha tɛ ma ndang ha soko hio bebe ya mi ndɔng, ɛnɛ dea yo ha tɛ mi.›

Matthieu 19:28

Nɛ Jésus tɔa ha mbwa: «Kpasawen, mi tɔ ha ɛnɛ nde, ha ngimɔ ka mi, *Bewei pɛ Wi, bedung *kongapora ha zu lɛkɛ-lɛkɛ solowan pɔm ha mbombe nzan, ɛnɛ fɛt bhukɔ gbala bwa ka ndara mi, ɛnɛ bedung ha zu solowan mɛ gɔn kita ha zu hio kandɔ pɛ *Israel bhukɔ gbala bwa.

Matthieu 18:14

Gbesi tuka ɛngi, Bafa ɛnɛ ha zang ngɔn ngoy nde, wi ndang ha soko bebe wi ndɔng ayɔ na.»

Matthieu 18:10

«Pangay, ka ɛnɛ aba hio bebe wi ndɔng tuka tum wi na! Hazu mi tɔ ha ɛnɛ nde, hio *telenge pɛ mbwa ha ngɔn dung swe fɛt ha li Bafa mi ha zang ngɔn. [

Gbasamɔ 21:14

Nanga ngeng kin ɛngɛ yol ha zu hio gasa ta bhukɔ gbala bwa. Nɛ ɛ gɔna ling hio *wan-nɛtom pɛ Besami bhukɔ gbala bwa ha tɛ hio ta ndɔng.