Dede Wen hazu Jésus-Christ ka Luc ngɛraka 9:39 - Takarata pɛ Sɔ Mbombe Mbon

³⁹ Gdanga sɔtɛ ha baa wɛnɛ, ha dea nde wɛnɛ agdɔri, ha fesa wɛnɛ nɛngaya, nɛ puru ha gboa ha nu wa. Yo lak wɛnɛ gde sɔna ha ngimɔ, ka tɛ wa mɔka vulɛ-vulɛ.

Dede Wen hazu Jésus-Christ ka Luc ngɛraka 9:39 Referans Kwoze

Dede Wen hazu Jésus-Christ ka Luc ngɛraka 4:35

Jésus sɛna wen ha gdanga sɔtɛ ɛngɛ nɛ tɔa: «Gdɔki nu mɛ, gbo ha tɛ wi kɛ!» Nɛ gdanga sɔtɛ pio wi ɛngɛ ha nu ha soko hio wi, nɛ gboa ha tɛ wa pen. Ma, a tɛ kɔmbiri wɛnɛ fin na.

Marc 9:26

Nɛ gdanga sɔtɛ gdɔra, a fesa bem nɛngaya nɛ a gboa ha tɛ wa. Nɛ bem ɛngɛ dungɔ tuka a fea fe. Nɛ hio dɔka wi tɔa nde, a fea kari.

Marc 9:20

Mbwa kuo bem ɛngɛ nɛnɛ ha pɛ Jésus. Nɛ ha ndangtɛ ngimɔ ka gdanga sɔtɛ zɔka Jésus, a fesa bem, nɛ wɛnɛ teka nɛ kinsi tɛ nɛ nu. Puru nɛ tafu gboa ha nu wa, pum-pum.

Gbasamɔ 9:11

*Kongawan pɛ mbwa, yo nê telenge mɔ fongo. Ling wa nɛ nu *hebro nde, Abadon, nɛ nu greke nde, Apolion. Goto ling ndɔng tɔ nde, *wan-yangili mɔ.

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

Marc 9:18

Ha bhandi fɛt ka gdanga sɔtɛ ɛngɛ pi wɛnɛ ha nu, puru nɛ tafu gboa ha nu wa pum-pum. A yɔnga nzata wa nɛ tɛ wa fɛt tɛ bo kik-yili. Mi ana hio wan-yambimɔ pɛ mɛ nde, mbwa ayin gdanga sɔtɛ ɛngɛ gbosisi. Ma, mbwa bo nɛ ngatɛ mɛ yin wɛnɛ na.»

Dede Wen hazu Jésus-Christ ka Luc ngɛraka 9:38

Ma wi ndang ha soko zugiliwi gdɔra nɛ ngagɛl: «Wan-osimɔ, mi lokitɛ ha mɛ, zɔk ndanga bem pɔm nɛ bewei!

Dede Wen hazu Jésus-Christ ka Luc ngɛraka 9:40

Mi lokatɛ ha hio *wan-yambimɔ pɛ mɛ nde, mbwa ayin gdanga sɔtɛ ɛngɛ, ma, mbwa lɛm de yo na.»