Dede Wen hazu Jésus-Christ ka Luc ngɛraka 9:16 - Takarata pɛ Sɔ Mbombe Mbon

¹⁶ Jésus kuo mampa ndɔng mɔrkɔ nɛ kɔyɔ ndɔng bwa. A guo li ha ngɔn, nɛ a wola dede wen ha zua. A gbinɔ yo, nɛ a haa yo ha hio wan-yambimɔ mɛ kapini ha giliwi.

Dede Wen hazu Jésus-Christ ka Luc ngɛraka 9:16 Referans Kwoze

Matthieu 14:19

Hapata a haa nu nde, hio wi fɛt adungnu ha zu ndungulu. A kuo mampa ndɔng mɔrkɔ nɛ kɔyɔ bwa. A guoli ha ngɔn nɛ wola dede wen ha zua. A gbinɔ yo ha hio wan-yambimɔ nɛ mbwa kapana yo ha giliwi.

Dede Wen hazu Jésus-Christ ka Luc ngɛraka 24:30

Hapata Jésus dungɔ ha tabolo hinɛ mbwa. A baa mampa, a wola dede wen ha zua nɛ gbinɔ yo ha mbwa.

Matthieu 15:36

Hapata a baa hio mampa mɔrkɔ zanga bwa nɛ hio kɔyɔ ndɔng. A lukoso Sɔ hazua, nɛ a gbinɔ yo ha hio wan-yambimɔ, nɛ mbwa kapana yo ha hio giliwi.

Rome 14:6

Wi ka takiri nde, ma swe nɛ zioa pen mbinga, a de mɛgi hazu lukisi Kongawan. Wi ka yɔng tili yɔngamɔ fɛt, a tɔ oeba ha Sɔ hazua, nɛ wɛnɛ ha yɔnga yo hazu lukisi Kongawan. Wi ka zim hio ma tili yɔngamɔ, a de ka fin mɛgi gbesi hazu lukisi Kongawan, nɛ wɛnɛ fin ha tɔa oeba ha Sɔ.

Deamɔ 27:35

Hapata wen ndɔng, Paul baa mampa, nɛ lukoso Sɔ hazua ha li wi fɛt. A gbinɔ yo nɛ yɔnga.

Jean 6:23

Hio ma sɔngu guotɛ ha le Tiberiade nɛ hɔa sanga-sanga nɛ bhandi ka *Kongawan Jésus lukoso Sɔ ha zu mampa ka giliwi yɔnga.

Jean 6:11

Jésus baa mampa ndɔng, a lukoso Sɔ hazua, nɛ a kapana yo ha hio giliwi ndɔng. A dea fin gbesi nɛ hio kɔyɔ ndɔng, nɛ hio wi yɔnga yo zang mbwa don.

Dede Wen hazu Jésus-Christ ka Luc ngɛraka 22:19

Hapata Jésus baa mampa. A lukoso Sɔ hazua, a gbinɔ yo, nɛ haa yo ha mbwa. A tɔa: «Ɛngɛ nê tɛ mi, ka mi ha nɛ sadaka hazu ɛnɛ. Ɛnɛ de ɛngɛ mɛ gba tazu ɛnɛ nɛ mi.»

1 Korente 11:24

a lukoso Sɔ hazua, a gbinɔ yo, nɛ a tɔa: «Ɛngɛ nê tɛ mi ka mi ha hazu ɛnɛ. Ɛnɛ de ɛngɛ mɛ gba tazu ɛnɛ nɛ mi.»

1 Korente 10:30

Mi tɔ oeba ha Sɔ hazu yɔngamɔ ka mi yɔng. Mɛgi, ma wi lɛma mɛ tɔ gdanga lingtɛ mi hazu mɔ ka mi tɔa oeba hazua, mɛng?

Marc 7:34

Hapata, a guo li ha ngɔn, pesa ɔmi lɛng-kpɛng nɛ tɔa: «Efata!» Ɛngɛ tɔ nde, mɛ gbo long!

Dede Wen hazu Jésus-Christ ka Luc ngɛraka 9:15

Nɛ mbwa dea mɛgi nɛ hio wi fɛt dungɔnu.

Dede Wen hazu Jésus-Christ ka Luc ngɛraka 9:17

Nɛ wi fɛt yɔnga zang mbwa don. Nɛ ɛ kaya olo titi yɔngamɔ don gɛsɛ bhukɔ gbala bwa.