Dede Wen hazu Jésus-Christ ka Luc ngɛraka 9:11 - Takarata pɛ Sɔ Mbombe Mbon

¹¹ Ma, hio giliwi ingɔ yo, nɛ mbwa naka pata wa. Jésus baa mbwa, nɛ a tɔa ha mbwa wen hazu *Kongakandɔ pɛ Sɔ. Nɛ a kpasasa hio wan-zɛlɛ.

Dede Wen hazu Jésus-Christ ka Luc ngɛraka 9:11 Referans Kwoze

Hebro 4:16

Ɔ aba da nɛ tiki tɛ hapɛtɛ solowan pɛ Sɔ, wan-de *dede sila. Haki, a bede kobhe nɛ dede sila ha tɛ ɔ, hazu gbakiri nɛ ɔ ha dede ngimɔ.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

Rome 15:3

Hazu Christ nɛ tɛ wa tɛ de mɔ ka ha totɛ ha tɛ wa nɛ pɛa tɛ na. Ma, mɔ hɔa ha tɛ wa tuka ɛ ngɛraka ha takarata pɛ Sɔ: «Hio dala ka hio wi yaa nɛ mɛ, yo teka ha zu mi.»

Rome 10:14

Ma, mbwa besa ling wa mɛng, ka mbwa tɛ mɛkiri wɛnɛ na? Mbwa bemɛkiri wɛnɛ mɛng, ka mbwa tɛ ze wen tɛ wa na? Mbwa beze wen tɛ wa mɛng, ka ma wi tɛ bul wena na?

Deamɔ 28:31

A dungɔ ha bulo wen Kongakandɔ pɛ Sɔ, nɛ ha osa mɔ nɛ da hazu *Kongawan Jésus-Christ. Nɛ ma wi ndang dol wɛnɛ na.

Jean 6:37

Hio wi ndang ndang fɛt ka Bafa mi ha mi, betɛ ha pɔm. Nɛ mi lɛm kafi wi ka tɛ ha pɔm ndang na.

Jean 4:34

Jésus tɔa ha mbwa: «Ka mi de mɔ ka wan-tomsi mi ngoya, nɛ ka mi lɛmsiri tom pɛa, ɛngɛ nê yɔngamɔ pɔm.

Dede Wen hazu Jésus-Christ ka Luc ngɛraka 9:2

Nɛ wɛnɛ tomsa mbwa hazu bul wen *Kongakandɔ pɛ Sɔ, nɛ hazu kpasisi hio wan-zɛlɛ.

Dede Wen hazu Jésus-Christ ka Luc ngɛraka 8:10

Jésus kiforo wen ha mbwa: «Pɛ ɛnɛ, Sɔ haa ɛnɛ mɛ ing gotomɔ hazu Kongakandɔ pɛa, ka ma wi tɛ ing sɔngsi na. Ma hio mbingwi ze nɛ towen sɔna. Nɛ wal ɛngi ‹mbwa ha gɛra mɔ, ma, mbwa zɔk yo na, nɛ mbwa ha zea mɔ, ma, mbwa ing yo na.›»

Dede Wen hazu Jésus-Christ ka Luc ngɛraka 8:1

Hapata, Jésus yala nɛ ha hio gasa le nɛ hio bebe le. Ha bhandi ndɔng fɛt a bulo *Dede Wen hazu *Kongakandɔ pɛ Sɔ. Hio *wan-nɛtom pɛa bhukɔ gbala bwa dungɔ hinɛ wɛnɛ,

Dede Wen hazu Jésus-Christ ka Luc ngɛraka 5:31

Jésus tɔa ha mbwa: «Yo bo nê wi ndɔng, ka dung nɛ dede tɛ, ka nɛ ha pɛ wan-yina na. Ma, yo sɔna nê wi ka dung nɛ zɛlɛ.

Dede Wen hazu Jésus-Christ ka Luc ngɛraka 1:53

Sɔ ha dedemɔ nɛdɔka ha wi ka wɔ gbɛa mbwa. Wɛnɛ yin hio wan-kpamɔ si nɛ gele kɔ ha twa.

Matthieu 21:43

«Hazu ɛngi, mi tɔ ha ɛnɛ nde, ɛnɛ lɛm dung wi mɔ *Kongakandɔ pɛ Sɔ fin na. Ma, Sɔ beweki ma mbing kandɔ, ka bede dedemɔ ka lɛma nɛ Kongakandɔ pɛa. [

Matthieu 21:31

O ha soko bem ndɔng bwa dea mɔ ka sila bafa mbwa ngoya, o nde?» Nɛ mbwa tɔa ha Jésus: «Yo nê kaya.» Nɛ Jésus tɔa ha mbwa: «Kpasawen, mi tɔ ha ɛnɛ nde, hio wan-ndɛm mbɔli garama nɛ hio bhoko-de wanza bele ha *Kongakandɔ pɛ Sɔ sɔngsi ɛnɛ.

Matthieu 14:14

Ka Jésus gboa ha sɔngu, wɛnɛ zɔka giliwi ndɔng. Nɛ sila wa doya nɛ kobhe hazu mbwa. Mɛgi wɛnɛ kpasasa hio wan-zɛlɛ ha soko mbwa.

Rome 10:17

Mɛgi, wi bemɛkiri Christ nɛ wal zea kasi. Nɛ kasi ɛngɛ, yo nê wen tɛ Christ.

Matthieu 12:15

Ka Jésus ingɔ wen ɛngɛ, a laka bhandi ɛngi gde. Giliwi ndara wɛnɛ, nɛ a kpasasa hio wan-zɛlɛ fɛt.

Dede Wen hazu Jésus-Christ ka Luc ngɛraka 9:10

Hio *wan-nɛtom kiforo tɛ ha pɛ Jésus, nɛ baa kasi mɔ fɛt ka mbwa dea ha wɛnɛ. Nɛ a daka tɛ hinɛ mbwa gbatɛ ha ma bhandi nɛ wal le Betsaida.

Dede Wen hazu Jésus-Christ ka Luc ngɛraka 9:12

Nɛ ka swe angara lea, hio wan-nɛtom tiko tɛ hapɛtɛ wa nɛ tɔa: «Mɛ ha wal ha giliwi ka mbwa anɛ ha hio le nɛ ha nu fɔ mɔ pɛtɛa. Haki mbwa bekpa bhandi ɔnu nɛ yɔngamɔ fin, hazu ɔ dung hakɛ ha kpɛnu.»