Dede Wen hazu Jésus-Christ ka Luc ngɛraka 8:18 - Takarata pɛ Sɔ Mbombe Mbon

¹⁸ «Mɛgi, pangay nɛ wal ka ɛnɛ ha zea nɛ mɔ! Hazu wi ka dung nɛ mɔ, ɛ begde ma ha zua. Ma, wi ka bo nɛ mɔ na, ɛ beku ngase bebe mɔ ka wɛnɛ takiri nde yo ha kɔ wa, yunɛ.»

Dede Wen hazu Jésus-Christ ka Luc ngɛraka 8:18 Referans Kwoze

Matthieu 13:12

Hazu ɛ beha mɔ ha wi ka dung nɛ mɔ ha kɔ wa. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ ma mɔ na, ngase bebe mɔ ka dung ha kɔ wa, ɛ beku yo yunɛ.

Dede Wen hazu Jésus-Christ ka Luc ngɛraka 19:26

Kongapora tɔa fin: ‹Mi tɔ ha ɛnɛ nde, ka ma wi dung nɛ mɔ ha kɔ wa, ɛ begde ma ha zua. Ma, wi ka bo nɛ mɔ ha kɔ wa na, ɛ bezin ngase bebe mɔ ka dung ha kɔ wa yunɛ.

Matthieu 25:29

Hazu ka ma wi nɛ mɔ ha kɔ wa, ɛ begde ma ha zua. Nɛ wɛnɛ bedung ha zang yɛbhɛ-yɛbhɛ kpaamɔ. Ma, wi ka bo nɛ mɔ ha kɔ wa na, ɛ bezin ngase bebe mɔ ka dung ha kɔ wa yunɛ.

Jean 15:2

Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Hebro 2:1

Tuka ɛngi, lɛma nde, ɔ akonzi wen ka ɔ zea nɛkpasa yu nde, ɔ betɛ yɔsisi wal.

1 Korente 14:37

Ka ma wi takiri nde, wɛnɛ nê *wan-tɔkuliwen pɛ Sɔ, mana wɛnɛ dona nɛ Nzɔy-Sɔtɛ, wɛnɛ aing nde, mɔ ka mi ngɛriki ha ɛnɛ, yo nê mbonga pɛ *Kongawan.

1 Korente 8:2

Wi ka takiri mɔ nde, a ingɔ mɔ pentɛ, yo osi nde, a tɛ ing ka mɔ nɛ wal kpasa ingɔmɔ na.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

Rome 12:3

Nɛ wal dede sila ka Sɔ dea ha tɛ mi, mi tɔ ha ɛnɛ ndang ndang fɛt nde, ka ɛnɛ aba tɛ ɛnɛ tuka gasa wi nɛ gbelea na. Ma, ɛnɛ atakiri mɔ nɛ mɛndi. Dea nde, ɛnɛ ndang ndang fɛt aweki tɛ ɛnɛ lɛm nɛ mɛkaramɔ ka Sɔ haa ha ɛnɛ.

Deamɔ 17:11

Sila hio zuife mɔ le Bere nɛ dedea pen pɛ hio zuife mɔ le Tesalonike. Mbwa baa wen pɛ Sɔ nɛ *dede sila fɛt. Mbwa dungɔ ha tɔla takarata pɛ Sɔ swe fɛt hazu zɔk nde, mana wen pɛ Paul nê tɛwen.

Deamɔ 10:33

«Mɛgi, mi tomsa hio wi nɛhasa hazu nɛ, nɛ sa mɛ. Mɛ dea nɛdedea hazu mɛ tɛa. Sising, ɔ fɛt dung hakɛ ha li Sɔ hazu ze hio wen fɛt, ka Kongawan gdea ha nu mɛ.»

Dede Wen hazu Jésus-Christ ka Luc ngɛraka 9:44

«Ɛ begde mi, *Bewei pɛ Wi, ha kɔ hio wi. Ɛnɛ ze yo nɛdedea!»

Filipe 3:4

Tangere, mi lɛma takiri fin nde, deamɔ pɔm gde mi nzeng ha li Sɔ. Hio ma wi ang ka sutɛ nde, mbwa nɛ nzeng ha li Sɔ hazu ndɔki deamɔ pɛ mbwa. Pɔm, mi lɛma de mɛgi pen pɛ mbwa.

Marc 13:14

(Mɛ, ka mɛ tɔl wen ɛngɛ, mɛ ze gotoa nɛ kinɔng!) «Ma swe, ‹gdanga mɔ nyɛl›, bedung ha bhandi ka yo lɛm dung ang na. Ka ɛnɛ bezɔk mɔ mɛgi, dea nde, wi ndɔng ka bedung ha kandɔnu Judée, mbwa ayumɔ si ha zu ngari.