Dede Wen hazu Jésus-Christ ka Luc ngɛraka 6:8 - Takarata pɛ Sɔ Mbombe Mbon

⁸ Ma, Jésus ingɔ takaramɔ pɛ mbwa. Nɛ wɛnɛ tɔa ha wan-yɔmba kɔ mɛgɛ: «Gutɛ mɛ, nɛ nɛ yol ha binsila.» A guotɛ nɛ nɛ yol.

Dede Wen hazu Jésus-Christ ka Luc ngɛraka 6:8 Referans Kwoze

Gbasamɔ 2:23

Nɛ mi begbɛ hio bem pɛa nɛ ginga zɛlɛ fio. Mɛgi hio giliwi mɔ eglize fɛt being nde, yo nê mi ka ing hio takaramɔ nɛ hɛl mɔ pɛ wi. Mi bekɛ ɛnɛ ndang ndang fɛt lɛm nɛ tom ka ɛnɛ dea.

Matthieu 9:4

Jésus ingɔ takaramɔ pɛ mbwa, nɛ a ana mbwa: «Ɛnɛ takiri gdanga takaramɔ ha zu ge?

1 Pierre 4:1

Gbesi tuka Christ kpaa yeksamɔ ha tɛ wa, lɛma nde, ɛnɛ fin aba ndangtɛ takaramɔ tuka wɛnɛ. Ɛngɛ beha ɛnɛ da mɛ dung nɛ yikosila ha zang yeksamɔ. Hazu, ka ɛnɛ kpa yeksamɔ ha tɛ ɛnɛ hazu ɛnɛ nê wi pɛ Christ, ɛnɛ laka dea gdangamɔ gde kari.

Hebro 4:13

Sɔ dea hio mɔ fɛt, nɛ ma ndang lɛm wusi tɛ ha li wa na. Yo dung fɛt nɛ sɔngɛrɛ nɛ ha kpɛmɔ ha li wa, nɛ ɔ betɔ pata deamɔ pɛ ɔ fɛt ha wɛnɛ long.

Filipe 1:28

Ka ɛnɛ ayu ke hio ngana pɛ ɛnɛ fin na. Ka ɛnɛ zati ha li mbwa, yo begba tazu mbwa nde, Sɔ begɔn kita ba mbwa, nɛ fin nde, Sɔ kpasasa ɛnɛ kari. Yo nê Sɔ nɛ tɛ wa ka begbasi yo ha mbwa mɛgi.

Deamɔ 26:26

*Kongapora Agripa ingɔ mɔ ndɔng kari. Yo nê ɛngi, ka mi wolmɔ ha wɛnɛ nɛ da. Mi ingɔ nɛdedea nde, ma mɔ ndɔng ndang wusi tɛ ha li wa na, hazu mɔ ndɔng tɛ pen ha tutum na.

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Jean 21:17

Hapata, Jésus ana wɛnɛ ha zetara: «Simon bewei pɛ Jean, mɛ ngoya mi nde?» Ngɔtɛ dea Pierre hazu Jésus ana wɛnɛ tɛ bo zetar nde, Simon mɛ ngoya mi nde? Mɛgi, Pierre kiforo wen ha wɛnɛ: «Kongawan, mɛ ingɔ mɔ fɛt, nɛ mɛ ingɔ nde, mi ngoya mɛ.» Jésus tɔa ha wɛnɛ: «Mɛ day hio sami pɔm.

Jean 9:4

Lɛma nde, ɔ ade tom pɛ Sɔ ka tomsa mi, ha ngimɔ ka swe boka ha baa. Hazu zɛ tɛ bo sanga, nɛ ka yo hɔa, ma wi ndang lɛm de tom fin na.

Jean 2:25

Ma wi ndang lɛm tɔ goto deamɔ pɛ wi ha Jésus na, hazu wɛnɛ nɛ tɛ wa ingɔ mɔ ka dung ha zang sila wi fɛt.

Dede Wen hazu Jésus-Christ ka Luc ngɛraka 5:22

Jésus ingɔ takaramɔ pɛ mbwa nɛ a kiforo wen ha mbwa: «Ɛnɛ takiri mɔ tuka ɛngɛ ha sila ɛnɛ hazu ge?

Dede Wen hazu Jésus-Christ ka Luc ngɛraka 6:9

Nɛ Jésus tɔa ha mbwa: «Mi ani ɛnɛ nde, mbonga pɛ ɔ haa wal mɛ de nɛ ge? Dede mɔ mana gdanga mɔ? Kpasasa tunɔ mana yangala tunɔ pɛ wi?»

Marc 3:3

Jésus tɔa ha wi ka kɔ wa yɔmba: «Gutɛ mɛ, nɛ nɛ yol ha binsila!»

Dede Wen hazu Jésus-Christ ka Luc ngɛraka 13:12

Ka Jésus zɔka wɛnɛ, a saa wɛnɛ nɛ tɔa: «Bhoko, zɛlɛ pɛ mɛ kara.»