Dede Wen hazu Jésus-Christ ka Luc ngɛraka 6:49 - Takarata pɛ Sɔ Mbombe Mbon

⁴⁹ Ma, wi ka ze wen pɔm nɛ zala sɔna, nɛ ka de mɔ ka mi osi na, wɛnɛ ba may nɛ ma wi ka bɛa twa pɛa ha gele nu, nangaa bona. Ka gbongbong kolo ilo twaa, yo tukolo nɛhasa mburr.»

Dede Wen hazu Jésus-Christ ka Luc ngɛraka 6:49 Referans Kwoze

Matthieu 23:3

Hazu ɛngi, ɛnɛ apam nɛ ɛnɛ ade mɔ fɛt ka mbwa tɔ ha ɛnɛ. Ma, ka ɛnɛ ade tuka ka mbwa ha dea na. Hazu mbwa de mɔ ka mbwa osi na.

1 Jean 2:19

Hio wi ndɔng dungɔ ha soko ɔ sɔngsi. Ma, mbwa tɛ dung nê pɛ ɔ na. Yo nê ɛngi ka mbwa gboa. Hazu mbwa abo se nê pɛ ɔ, ki mbwa bhɔna hinɛ ɔ. Ma, mɔ hɔa mɛgi hazu gbasi long nde, ma ndang ha soko mbwa tɛ dung nê wi pɛ ɔ na.

Jean 15:2

Hio gbakɔ te ndang ndang fɛt ka dung ha tɛ mi nɛ ka way na, Bafa mi begɔn yo yunɛ. Ma, hio gbakɔa ndɔng ka way waya, a besasisi yo nde, yo away fin nɛdɔka pen mɔ sɔngsi.

Dede Wen hazu Jésus-Christ ka Luc ngɛraka 12:47

«Wan-tom ka ingɔ mɔ ka wan pɛa ngoya, nɛ ka kafi mɛ bhɔngiri nɛ de yo, ɛ bemɛl wɛnɛ nɛkpasa.

Dede Wen hazu Jésus-Christ ka Luc ngɛraka 6:46

«Hazu ge ɛnɛ sa mi nde, *Kongawan, Kongawan, nɛ ɛnɛ de mɔ ka mi tɔ ha ɛnɛ na ge nde?

Marc 4:17

Ma, wena le sila mbwa nɛdedea na, hazu mbwa bo nɛ nɔa na. Ka ɛ yeksa mana namala mbwa hazu wen pɛ Sɔ, mbwa laka mɛkaramɔ Sɔ gde nɛhasa.

2 Pierre 2:20

Hio wi ka tɛa tɛ ing Kongawan Jésus, *Wan-kpasisi ɔ, mbwa gboa ha zang nzing mɔ nzan pen. Ma, ka mbwa gde tɛ mbwa nɛ mbinga ha nzing ɛngɛ, nɛ ka yo gan zu mbwa, ki dungɔ pɛ mbwa tɛ bo nɛ gdanga pen mɔ sɔngsi.

1 Tesalonike 3:5

Yo nê hazu ɛngi, ka mi ba sila mi fin na, nɛ mi tomsa Timothée nɛ ha pɛ ɛnɛ mɛ ing nde, mana ɛnɛ bhɔna ka ha mɛkara Christ. Mi dungɔ nɛ nɔzang nde, mana Satan osala ɛnɛ kari, nɛ tom pɛ ɔ ha soko ɛnɛ gɔya nɛgbelea.

Deamɔ 26:11

Mi dungɔ ha nɔsasa mbwa mɛ lak mɛkara Jésus gde nɛ wal ndulso mbwa nɛ zambala ha hio *twa gɔ Sɔ. Tuka mi dungɔ nɛ gdanga ngambi sungiri nɛ mbwa, mi namala mbwa hɔ ha hio gɔn-gɛnɛ le.

Deamɔ 20:29

Mi ingɔ nde, ka mi pena kari, hio ma wi bele ha soko ɛnɛ, nɛ mbwa bepanziki giliwi mɔ eglize, tuka ka nyalɔ ngɔnzu panziki nɛ hio sami.

Dede Wen hazu Jésus-Christ ka Luc ngɛraka 19:27

Nɛ hio kɔmbɛ pɔm ka kafa nde, mi adung kongapora ha zu mbwa, ɛnɛ kay mbwa tɛnɛ hakɛ. Nɛ ɛnɛ gbɛ mbwa fɛt ha li mi.›»

Dede Wen hazu Jésus-Christ ka Luc ngɛraka 19:14

Ma, hio wi mɛ kandɔ pɛa sɛna wɛnɛ. Mbwa tomsa hio wan-nɛkasara ha pata wa mɛ tɔ nde, mbwa ngoy nde, wi kɛ adung kongapora ha zu mbwa na.

Matthieu 24:10

Nɛ dɔka wi belak mɛkara Sɔ gde. Mbwa begde may ha kita, nɛ mbwa besɛn may.

Dede Wen hazu Jésus-Christ ka Luc ngɛraka 6:48

A ba may nɛ ma wi ka bɛ twa, nɛ ka za kɔ nanga twa nɛ gdukoa hɔ ha nga nu. Ha ngimɔ mbeng, ka gbongbong kolo ilo twaa, yo fesi tɛ na, hazu a bɛa yo nɛdedea.

Dede Wen hazu Jésus-Christ ka Luc ngɛraka 7:1

Ka Jésus karsa bulo wen ndɔng fɛt ha hio wi, a nɛa ha Kapernaum.